Nyuma ya Netanyahu, Mike Pence; na Joe Biden yakingiwe COVID | UMUSEKE

Nyuma ya Netanyahu, Mike Pence; na Joe Biden yakingiwe COVID

Perezida Joe Biden watorewe kuyobora Leta Zunze Ubumwe za America, na we yinjiye mu bakomeye bakingiwe icyorezo cya COVID-19 nyuma y’abarimo Minisitiri w’Intebe wa Israel, Benjamin Netanyahu.

Joe Biden yakingiwe urukingo rwa Pfizer

Perezida Joe Biden yakingiriwe ku bitaro byitwa Christiana Hospital biri i Newark, ahabwa urukingo rwa Pfizer.

Joe Biden wagiye gukingirwa ari kumwe n’umugore we Jill Biden. Igikorwa cyo kubakingira cyatambutse kuri Television imbonankubone.

Biden yaboneyeho gutanga ubutumwa asaba abantu kutagira icyo basuzugura ko bakwiye kubaha amabwiriza atangwa n’abahanga mu by’ubuzima birimo kwambara neza agapfukamunwa.

Yanabasabye kandi kuzitabira kwikingiza kuko ari uburyo bwizewe bwo kurandura iki cyorezo gikomeje gushegesha Isi.

Joe Biden akingiwe nyuma y’uko Visi Perezida wa kiriya gihugu, Mike Pence na we akingiwe ndetse na Minisitiri w’Intebe wa Israel, Benjamin Netanyahu.

Joe Biden ubwo bajyaga kumukingira
Visi Perezida Mike Pence na we aherutse kwikingiza
Kimwe na Netanyahu

UMUSEKE.RW

Subiza

Your email address will not be published. Required fields are marked *