P. Kagame wemejwe guhagararira RPF ati “Aha mpanyuze kenshi ariko ntabwo mpamenyera” – UMUSEKE
RALC Ntibavuga bavuga

P. Kagame wemejwe guhagararira RPF ati “Aha mpanyuze kenshi ariko ntabwo mpamenyera”

*Arifuza ko igituma ahora asabwa kuyobora cyabonerwa igisubizo,
*Arashishikariza urubyiruko kwinjira muri politiki,
*Avuga ko yizeye intsinzi…Ngo mu myaka irindwi nta kujenjeka

Perezida wa Repubulika y’u Rwanda Paul Kagame wari umaze kwemezwa n’umuryango wa RPF-Inkotanyi kuzawuhagararira mu matora y’Umukuru w’igihugu, yavuze ko asabwe kenshi gukomeza guhararira uyu muryango ariko ko ababimusabye bagomba kumufasha kugera ku cyatumye bamuhitamo, yavuze ko yizeye intsinzi ya RPF ariko kugira ngo uyu muryango ukomeze gukora neza bisaba gukora cyane mu myaka irindwi iri imbere.

Perezida Kagame avuga ko ibi bintu abisabwe kenshi ariko ko atajya abimenyera

Perezida Kagame avuga ko ibi bintu abisabwe kenshi ariko ko atajya abimenyera

Perezida Kagame yagarutse ku byifuzo by’Abanyarwanda n’abanyamuryango ba RPF-Inkotanyi bakomeje kugaragaza ko ari we ukwiye gukomeza kuyobora Abanyarwanda. Ati “Aha hantu mpanyuze kenshi ariko ntabwo mpamenyera.”

Avuga ko ibituma akomeza kugaragaza ko ashoboye bigirwamo uruhare n’abayobozi bamufasha mu miyoborere.

Ati “Tubanye igihe kirekire, ibyo dukoze hamwe, ikizere tugirirana, imirimo myiza dukorere igihugu cyacu twikorera kandi, hanyuma bikagira bitya bikongera bikagusha ahantu hamwe.”

Avuga ko uyu munsi yari kuba yitabiriye iki gikorwa na we ari mu bategereje uzahagararira RPF-Inkotanyi mu matora.

Ati “Nari nkwiye kuba mpagaze hano uyu munsi dushakisha uburyo ubuyobozi bwa RPF cyangwa umuyobozi utoranywa kuzahagararira RPF, jyewe akazi kanjye ari uguhereza undi inkoni nari nitwaje cyangwa se nari mbatwariye.”

Umukuru w’igihugu akavuga ko ibi bitashobotse kuko Abanyarwanda n’abo mu muryango wa RPF bamusabye gukomeza kubatwarira inkoni, bikanyuzwa mu nzira byagombaga gucamo ndetse na we akabyemera.

Ati “Nta ruhare nabigizemo, uruhare nabigizemo ni ukubibemerera kubera ko mwabinsabye, hari n’ubundi byagiye biba ntabwo ari bwo bwa mbere.”

Perezida wahaye umukoro abamusabye gukomeza kuyobora u Rwanda, yavuze ko bakwiye gutekereza ku nzira zose bazacamo kugira ngo imibereho y’Abanyarwanda ikomeze gutera imbere.

Avuga ko yizeye ubushobozi bw’Umuryango wa RPF-Inkotanyi. Ati “ Nizeye intsinzi ariko ndashaka ko mutekereza kuri iyi myaka irindwi.”

Perezida Kagame wagarutse ku mateka yashegeshe u Rwanda muri 1994, yavuze ko nyuma y’urugamba rwo kubohora igihugu, hakurikiyeho urugamba rwo kubaka igihugu cyahereye ku busa.

Avuga ko Umuryango wa RPF-Inkotanyi wakoze ibishoboka byose kugira ngo igihugu kigere aho kigeze uyu munsi ariko ko imbaraga zakoreshejwe zikwiye gukomeza kongerwa.

Yizeje abamuhisemo gukomeza umurongo w’imiyoborere myiza. Ati “Ndashaka kubabwira ko ibyo nasabwe, nk’uko mpora mbigenza, nzabishyiramo umutima n’ubushobozi bwanjye bwose.”

Kagame wagarutse cyane ku byifuzo by’abamusabye gukomeza kuyobora, yagarutse ku miyoborere myiza yo guhererekanya ubuyobozi.

Avuga ko nubwo azakoresha imbaraga zose kugira ngo mu myaka irindwi iri imbere azageze ku banyarwanda ku cyo bakomeje kugaragaza ko bamwifuzaho ariko nyuma y’iyi manda nta kizabuza kubuhariza iri hame ry’imiyoborere yo guhererekana ubutegetsi.

Ati “Nzakoresha imbaraga zanjye zose mu gukora kugira ngo tugabanye igituma mwifuza ko nkomeza kubayobora.”

 

Arakangurira urubyiruko kwinjira muri Politiki

Perezida Kagame ukunze kugaruka ku rubyiruko, yavuze ko abo muri iki kiciro ari na bo bagize umubare munini w’abanyagihugu.

Avuga ko nyuma ya 1994 ubwo hatangiraga urugamba rwo kubaka igihugu, hari abariho bavuka n’abandi bari bakiri bato ku buryo ubu ufite imyaka 38 ashobora kuba perezida ariko icyo gihe yari akiri muto. Ati “Abafite imyaka 38 na 41 n’abarengeje ndakeka mushobora kuba perezida.”

Avuga ko kuba umukuru w’igihugu bisaba kubiharanira umuntu akiri muto, agashishikariza urubyiruko kwinjira muri politiki bagifite amaraso mashya.

Kagame avuga ko bagomba gushyiramo imbaraga kugira ngo bazagere igihe cyo kuyobora u Rwanda bujuje ibisabwa byose kugira ngo igihugu gikomeze kugendera mu kerekezo kiza.

Ati “U Rwanda rukeneye perezida ubikwiye, umuyobozi wa nyawe, mugomba kubiharanira, mugomba kugira uruhare muri politiki.”

Anenga bamwe bakunze kuvuga ko batajya muri politiki kubera ubwoba, akavuga ko kugira ngo politiki igende neza bisaba uruhare rwa buri wese kuko iyo abayobozi bakoze nabi bigira ingaruka no kuri ba bandi bigize ba ntibindeba.

Ati “Rubyiruko, banyarwanda ndabifuriza kuba abayobozi beza kuko ni byo Abanyarwanda bakeneye kandi barabikwiye, aho mwajya hose ku Isi mugomba gukura mutekereza icyo u Rwanda rukeneye.”

Perezida Kagame ukunze kugaruka ku iterambere ry’igihugu n’iry’umugabane wa Afurika yavuze ko buri wese akwiye kugira uruhare mu miyoborere y’igihugu n’iy’Afurika.

Prof Shyaka Anastase avuga byinshi RPF Inkotanyi yagezeho mu myaka 7 anahiga ibizagerwaho

Prof Shyaka Anastase avuga byinshi RPF Inkotanyi yagezeho mu myaka 7 anahiga ibizagerwaho

Kagame Paul yari wenyine wamamajwe atarwa n'amajwi 1929 mu batora 1930 ijwi rimwe ryabaye imfabusa

Kagame Paul yari wenyine wamamajwe atarwa n’amajwi 1929 mu batora 1930 ijwi rimwe ryabaye imfabusa

Gasamagera Wellars ni we Komiseri wayoboye amatora

Gasamagera Wellars ni we Komiseri wayoboye amatora

Kagame akimara gutangazwa ko yatsinze

Kagame akimara gutangazwa ko yatsinze

Abanyamuryango biyemeje kumushyigikira

Abanyamuryango biyemeje kumushyigikira

Imbere hari Perezida Paul Kagame akaba Chairman wa RPF - Inkotanyi, Bazivamo Christophe Visi Perezida wa RPF- Inkotanyi, Fransisco Ngarambe Umunyamabanga Mukuru w'Umuryango RPF

Imbere hari Perezida Paul Kagame akaba Chairman wa RPF – Inkotanyi, Bazivamo Christophe Visi Perezida wa RPF- Inkotanyi, Fransisco Ngarambe Umunyamabanga Mukuru w’Umuryango RPF

Perezida Paul Kagame avuga ijambo nyuma yo gutorwa kuzahagararira RPF-Inkotanyi

Perezida Paul Kagame avuga ijambo nyuma yo gutorwa kuzahagararira RPF-Inkotanyi

Rucagu Boniface yari yakereye uyu munsi

Rucagu Boniface yari yakereye uyu munsi

Inama irangiye abanyamuryango batashye

Inama irangiye abanyamuryango batashye

Nyuma yo gutaha iyi nyubako, RPF – Inkotanyi izayimukiramo vuba

Iyi nyubako benshi bavuze ko ari akataraboneka

Iyi nyubako benshi bavuze ko ari akataraboneka

Amafoto@HATANGIMANA/UMUSEKE

UMUSEKE.RW

19 Comments

  1. tata

    June 17, 2017 at 6:44 pm

    gusa Perezida yabahaye umukoro wo gushaka uzamusimbura mu myaka 7 iza. ngaho rero nimushake uzamusimbura kuko yabibasabye.
    byapfuye mbere bananirwa kwishakamo umukandida wasimbura Perezida Kagame.Bakajya guhindura itegeko nshinga.
    Politiki ijyana no kubahiriza igihe wahawe cyo kuyobora. Ni yo demokarasi.

    • Gasumuni

      June 18, 2017 at 1:49 pm

      @Tata, watubwiye niba wumva ufite ubushobozi bwo kuzasimbura Prezida Kagame, maze dosiye yawe tukazayigaho neza twitonze tutagombye gutegereza imyaka irindwi?

  2. MZB

    June 17, 2017 at 8:46 pm

    Nibyo rwose Kandi Ibyo yakoze turamushimira Tugashima n’Imana Yamushoboje

  3. Akumiro

    June 17, 2017 at 10:09 pm

    Prezida wacu ntagire impungenge, hariya hantu bizajya kugeza muri 2034 yarahamenyereye. Kandi nitunamusaba kuhaguma nyuma ya kiriya gihe ntazatwangira, azaba agifite ingufu zo gukorera igihugu.

  4. Ishibo

    June 18, 2017 at 7:15 am

    Njye nemera ko ufite icyo amariye abanyarwanda yabayobora with no limits of time iri tegeko nshinga nibashaka rizahindike inshuro amagana igikuru Ni uko ari ku neza y’abanyarwanda naho ibya democracy ntihakagire ubinzanaho nta democracy universal ibaho kuko n’abayituzaniye Cg abayihimbye uwabagenzura yasanga ntayo bagira. Disi nimureke tuyoborwe uko tubishatse ahubwo mureke Kagame Paul tumutize amaboko ubundi urebe ngo u Rwanda ruraba paradizo!

  5. Muhereko

    June 18, 2017 at 7:19 am

    Ikibazo njyewe mfite nikimwe.Iyo perezida avuzengo ntabwo yarazi ko bazamusba gukomeza kuyobora.Batangira gusinyisha abaturage, bagahindura itegekonshinga namatora mu minsi itarenze 10.Uyu mugaboi ntanzego ziperereza zimugezaho amakuru?Mujye mubeshya abahinde.

  6. djumapiri

    June 18, 2017 at 7:53 am

    HE ndamushyigikiye yatugejeje kuri byinshi kabisa, Imana izamuhe kurama. uyumukoro atanze nawo ni sawa, jye ndifuzako umuhunguwe mukuru yatangira gutegurwa neza numbwo ngo adakunda politic bakamutegura akayikunda. byabangombwa akazasimbura se gusa nawe akamuba hafi akamunenyereza akazi.byafasha cyane mukurinda ibyagezweho nokongeraho ibindi.

  7. Mwendo

    June 18, 2017 at 8:54 am

    Iyi nyubako inyibukije Bagdolite ingoro ya Mobutu murebe uko hasigaye hameze kuri Youtube.

    • rufin

      June 18, 2017 at 12:33 pm

      umureke yiruhukire mu mahoro kuko akazi yarafite yagasoje naho abahemu ni leta ya congo itashoboye gusigasira ibyiza uwo musaza yasize ndavuga ubumwe ndetse niyo nyubako uvuga yagombye kuba ibyazwa umusaruro mu bukerarugendo.nkaba ntarangiza ntabura kugaya abo yazize,aribo bakidegembya mu mashyamba ya congo banga gutaha iwabo kubera amabi basize bahakoze abo ni bene gahini…

  8. Manawe

    June 18, 2017 at 1:44 pm

    Nakomeze yitange atuyobore Prezida wacu, kugeza igihe twazabonera undi umugwa mu ntege. Ariko inzira iracyari ndende. Ni we wenyine uberanye n’uriya mwanya kugeza ubu.

  9. tata

    June 18, 2017 at 7:23 pm

    Yewe Gasumuni winyumva uko ntavuze. sinigeze mvuga ko nshaka kuyobora. Perezida yavuze ko abahaye umukoro wo gukora. muri politike umuntu agira umusimbura kandi na Perezida Kagame arabyemera. Ndetse yatanze umukoro wo gushaka uzamusimbura.

  10. rw

    June 18, 2017 at 10:27 pm

    Ikibazo abenshi muri mwe cg n’abandi ni abatazi icyo kuba umukuru w’igihugu aricyo,inshingano ze n’ingaruka bigira mu guhindura itegeko nshinga.

  11. jajni

    June 19, 2017 at 9:06 am

    iyi ndabona convention ntacyo iyirusha na gato nubwo twayiririmbye zigata inyana

  12. kagabo

    June 19, 2017 at 9:41 am

    @ Djumapiri.
    Aho ntiwibagiwe ko Rwanda ari Repubulika atari ubwami?

    • Mwarimu

      June 19, 2017 at 10:06 am

      @Kagabo, u Rwanda rwabaye republika ryari? Jye nduzi rutegekwa n’abami gusa. Usibye ko bari mu byiciro bibiri: abami nyabami (kugeza kuri Ndahindurwa), n’abami muri republika.

  13. Rwemeza

    June 19, 2017 at 9:44 am

    Nibatangire bategure BAZIVAMO Christophe azasimbure Prezida KAGAME Paul muri 2024. Kandi yategeka neza kuko azi ubwenge akaba afite n’ubwitonzi.

    Erega babishatse muri FPR ntabwo babuze abandi abakandida, harimwo abandi bagabo babishoboye rwose, ahubwo hagomba kuba hari izindi mpamvu bataduhishurira zituma buri gihe basaba Kagame gukomeza kuyobora.

  14. nayaak

    June 19, 2017 at 11:45 am

    dukeneye umuntu ufite icyo azageza ku rwanda twavuye kure kandi tugeze ahashimishije gs icyo nasaba umuntu wese uzayobora rwose agomba kuzadukemurira kiriya kibazo cyo gusorera inzu tubamo nibura bajye basorera izikodeshwa ark inzu umuntu abamo ntakintu iba imwinjiriza niyo mpamvu umuntu wese uzaba president yakagombye nawe kukirebaho nkuko Barafinda yabivuze

  15. pat

    June 19, 2017 at 4:14 pm

    @rw ! urimo urakanga nde se ? wigize umuntu uzibyinshi amagambo gusa…..

  16. pat

    June 19, 2017 at 4:18 pm

    ntabwo icyihutirwa arukubona ko runaka yabaye president , igishyirwa i mbere ni politike iganisha u Rwanda rwacu heza,dushaka iterambere ubumwe bw’abanyarwanda no kurinda ubusugire bw’igihugu tudatakaza ibyo tumaze kugeraho

Ibitekerezo

Your email address will not be published. Required fields are marked *

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock