P. Kagame yasangiye n’abana iminsi mikuru abaha intashyo bashyira ababyeyi – UMUSEKE

P. Kagame yasangiye n’abana iminsi mikuru abaha intashyo bashyira ababyeyi

*Kagame na Madamu Jeannette Kagame baje bavuye muri ‘Car Free day’
*Benshi mu bana ni ubwa mbere bamubonye amaso ku maso…Bishimiye impano yabahaye.

Perezida Paul Kagame na Madamu Jeannette Kagame uyu munsi mu biro by’umukuru w’igihugu bakiriye abana baturutse mu bice bitandukanye by’igihugu basangira iminsi imukuru. Umukuru w’igihugu yahaye aba bana intashyo bashyira ababyeyi babo n’abaturanyi.

Perezida Kagame na Madamu bakase umutsima basangira n'aba bana

Perezida Kagame na Madamu bakase umutsima basangira n’aba bana

Perezida Kagame na Madamu Jeannette Kagame baje kwakira aba babana, bavuye mu myitozo ngororamubiri ngarukakwezi (Car free day) basanga aba bana na bo bamaze kwidagadura mu busitani bwo mu biro by’umukuru w’igihugu.

Igikorwa nk’iki gisanzwe kiba mu mpera za buri mwaka, gitegurwa n’umuryango Imbuto Foundation washinzwe na Madamu Jeannette Kagame.

Perezida Kagame avuga ko iminsi mikuru ya noheli no kwizihiza intangiro z’umwaka mushya wa 2018 yegereje, bityo ko biba bikwiye ko abana bazirikanwa kuko ari bo Rwanda rw’ejo.

Ati “Ni ukugira ngo tubifurize gusoza umwaka neza, tubifurize ubuzima bwiza nk’abana bato mukura kandi mukura muganisha ku kubaka igihugu cyacu.”

Umukuru w’igihugu wibukije aba bana ko ari ba bayobozi b’ejo hazaza, yababwiye ko kugira ngo igihugu gitere imbere kigomba kuba gifite abayobozi beza.

Ati “Abo bayobozi beza baturuka mu bana batoya uko baba bararezwe, abana iyo barezwe neza guhera hasi bagenda bakura bavamo abantu bakuru bazima, bavamo abayobozi bazima icyo gihe rero n’igihugu na cyo kikagira amahirwe.”

Aba bana barimo abafite ubumuga bwo kutabona, bagaragarije umukuru w’igihugu na madamu impano bafite zirimo imivugo, kugeza umupira no kuririmba.

Perezida Kagame yababwiye ko izi mpano bafite bagomba kuzihuza n’impanuro z’ababyeyi n’ubumenyi bahabwa ku ishuri kugira ngo bazavemo abayobozi beza b’ejo hazaza.

Ati “Biba byiza iyo abantu bahora babisuramo, ni ukwibukiranya kugira ngo dutoze mwebwe abana bacu ubuzima bwiza, kwifata neza, kwiga kugira ngo mumenye muzashobore kwikorera no gukorera igihugu cyanyu…Twebwe nk’ababyei banyu, nk’abayobozi banyu turabifuriza ibyiza byose.”

Umukuru w’igihugu wifurije aba bana kuzagira iminsi mikuru mihire, yagize ati “Nimusubira mu rugo iwanyu mudutahirize ababyeyi banyu, abandi bana bagenzi banyu, abo muva indimwe, ababakuriye n’abandi bose mubana.”

Kagame waganirije aba bana bari bamaze kwidagadura mu busitani bwo mu biro by’umukuru w’igihugu, yababwiye ko na we yaje gusangira na bo avuye mu myitozi ngororamubiri dore ko uyu munsi ari cyo wateganyirijwe (icyumweru cya mbere cya buri kwezi/Car free day).

Perezida Kagame na Madamu bakatanye n’aba bana umutsima, banabahaye impano zirimo imipira yo gukina n’ibindi bikoresho bifasha abana kwidagadura.

Akariza Doreene wiga mu mwaka wa gatandatu w’amashuri abanza mu karere ka Gatsibo avuga ko yishimiye kwibonera amaso ku mazo Perezida kuko yajyaga amubona kuri television.

Uyu mwana uvuga ko yashimishijwe no kwirirwa akina na bagenzi be mu busitani bw’umukuru w’igihugu, avuga ko yishimiye cyane impano yahawe na Perezida.

Ngo impanuro yabahaye bagiye kuzisangiza bagenzi babo basigaye mu rugo kuko zuje inama zabafasha kuzavamo abo u Rwanda rubategerejemo.

Umwana uhagarariye abandi ku rwego rw’igihugu, Nsabimana Shadrack avuga ko iki gikorwa kigaragaza agaciro n’ikizere igihugu kibafitiye.

Ati “Hano haba hahuriye abana bafite ubumuga, abadafite ababyeyi, bituma byibura babona ko nubwo batakiri kumwe n’abanyeyi mu buryo buri direct ariko bafite umuntu ubitayeho, byadushimishije kuko yazanye na madamu ni ibintu bitazava ku mitima yacu.”

Avuga ko impanuro bahawe zibibusta inshingano bafite zo kwitegura neza kugira ngo bazakorere mu ngata abayobozi bariho uyu munsi mu gihe bazaba bageze mu za bukuru.

Aba bana biriwe bidagadura mu busitani bw'ibiro by'umukuru w'igihugu

Aba bana biriwe bidagadura mu busitani bw’ibiro by’umukuru w’igihugu

Minisitiri w'imicungire y'ibiza n'impunzi Mme DE BONHEUR Jeanne d'Arc yasanye abana be birirwa bidagadurana na bagenzi babo

Minisitiri w’imicungire y’ibiza n’impunzi Mme DE BONHEUR Jeanne d’Arc yasanye abana be birirwa bidagadurana na bagenzi babo

Abana baturutse mu miryango iciriritse biriwe bakina n'abana b'abayobozi mu nzego nkuru

Abana baturutse mu miryango iciriritse biriwe bakina n’abana b’abayobozi mu nzego nkuru

Umwana ufite ubumuga bwo kutabona yashimishije abari aha kubera umuvugo we wuzuye impanuro zo kudatererana abafite ubumuga

Umwana ufite ubumuga bwo kutabona yashimishije abari aha kubera umuvugo we wuzuye impanuro zo kudatererana abafite ubumuga

Yabahaye intashyo bashyira ababyeyi

Yabahaye intashyo bashyira ababyeyi

Yanabahaye impano z'iminsi mikuru

Yanabahaye impano z’iminsi mikuru

Na madamu Jeannette Kagame yahaye impano aba bana

Na madamu Jeannette Kagame yahaye impano aba bana

Byari ibyishimo ku bana bidagaduranye n'umukuru w'igihugu

Byari ibyishimo ku bana bidagaduranye n’umukuru w’igihugu

Nk'umubyeyi uri mu bana be...Bo byari ibyishimmo gusa

Nk’umubyeyi uri mu bana be…Bo byari ibyishimmo gusa

Photos/Kigali Today

Martin NIYONKURU
UMUSEKE.RW

7 Comments

  1. qween

    03/12/2017 at 3:02 pm

    Ntureba umubyeyi ugikwiye
    Long life to my President lov u so much!!! Vive vive

  2. Omar Tony

    04/12/2017 at 7:45 am

    iki gikorwa nacyo ubudasa bwacu, Murakoze H.E.PK & JK

  3. Petra

    04/12/2017 at 9:00 am

    Ariko abandi bayobozi bibananiza iki koko. Iyo ndeba ukuntu umukuru w’igihugu agaerageza kwegera abanyaranda bo mu byiciro byose, abakire n’abakene ariko ugasanga ba Meya n’abandi barigize ibimana mu turere birambabaza cyane rwose.
    Muzarebe ukuntu abasirikare cg polisi batuye mu za cartier ukuntu baba barigize ibihangage kandi batanafite amapeti ahambaye. Caporal utamwise afande ntimwakiranuk.

    Perezida wacu yagombye kubera abandi bayobozi ikitegererezo cyina.

    Congrats My President!

    • citoyen

      04/12/2017 at 1:11 pm

      Noneho wowe urandangije: ngo caporal utamwise afande ntimwakiranuka!

  4. kwizera

    04/12/2017 at 12:59 pm

    ubwose mayor yatumira Abana akabaha kuri budget akuye he cg ugirango gutegura biriya ibintu ntibihenda ibaze gutegera Abana Bose ukabagaburira ukabaha imipira yo kwambara n’iyo gukina ngirango n’imirenge bayihaye budget yabikora naho bibeshye bakabyishyiriraho PAC yazababaza ukuntu banyereje umutungo

    • USA

      04/12/2017 at 1:48 pm

      budget bashobora kuyarya naya small farmer barayarwa na gira inka bakazikubiraho ubwo se ayi mipira yo gukina bayanyuzahe? hari uwayiteguye barayamwima? biriya H.E akora numutima wubuntu no kuba smart bibituma ntabwo ari budget ibitera nukuba yabihaye agaciro n’ubunyangamugayo yifitemo bitari uko ari budget cg ubundi bubasha

  5. kinyakura

    04/12/2017 at 2:20 pm

    Umva nubwo ntari mu bantu birirwa bogeza Président Kagame cyangwa mbe mubirirwa bamusebya , tujye tunamenya gushima ibikorwa byiza akora we n’umufasha we.
    Rwose hano ndabimushimiye kwegera urubyiruko akaruha ikizere cy’ahazaza . Madame Kagame tuzamwibukira kugufasha abana b’abakobwa kwiga neza no kubateza imbere .
    Merci kubw’iki gikorwa cyiza mwakoze

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock