Perezida w’Ubufaransa aratangira urugendo rw’iminsi 4 muri Africa – UMUSEKE

Perezida w’Ubufaransa aratangira urugendo rw’iminsi 4 muri Africa

Perezida w’Ubufaransa, Emmanuel Macron aratangira urugendo rwe rwa mbere muri Africa kuri uyu wa mbere. Arasura igihugu cya Burkina Faso, Côte d’Ivoire na Ghana mu rugendo rugamije kongera gusukura isura y’igihugu cye kuri uyu mugabane.

Perezida w’Ubufaransa Emmanuel Macron ashobora kuza guhura n’imbogamizi nyinshi mu ruzinduko rwe muri Africa

Umuvugizi wa Macron yavuze ko yifuza kujyanisha n’igihe imibanire y’Ubufaransa na Africa igashingira cyane ku ishoramari, uburezi n’imikino aho gushingira ku nkunga z’iterambere.

Emmanuel Macron yasezeranyije kongera ingengo y’imari ijyanye n’inkunga Ubufaransa butanga ho 0.55% by’umusaruro mbumbe w’igihugu guhera muri 2022, ariko inkunga Ubufaransa butanga yagabanyijweho miliyoni 140 z’ama-Euro muri Nyakanga, ubwo igihugu cyagabanyaga amafaranga gitanga ku baturage ho miliyari 4.5 z’ama-Euro.

Perezida w’Ubufaransa mu ki yashyizeho itsinda ry’abashinzwe kumugira inama kuri politiki y’igihugu cye muri Africa.

Aba bajyanama bagizwe ahanini n’abashoramari bafite ubwenegihugu bw’Ubufaransa n’ubw’ibihugu bakomokamo ku mugabane wa Africa, bakaba bafite umubano wa hafi n’ibihugu bakomokamo.

Emmanuel Macron agomba gukosora imvugo ye yababaje benshi mu batuye Africa, aho yavugiye mu nama y’ibihugu bikize (G20) ko Africa ifite ibibazo by’imyumvire yosi (civilisational problems), aho ngo abagore bakibyara abana barindwi cyangwa umunani.

Muri Burkina Faso, ejo ku wa kabiri, Macron azageza ijambo ku banyeshuri bo muri Kaminuza y’i Ouagadougou basaga 800, avuga ku bijyanye na politiki ye kuri Africa.

Aha ashobora kuzahura n’imbogamizi ikomeye y’uko Ubufaransa bukekwaho ko bwahungishije Blaise Compaoré wari Perezida, akaza gukurwaho n’abaturage tariki 31 Ukwakira 2014, agahungira muri Côte d’Ivoire.

Imiryango myinshi itari iya Leta yateguye imyigaragambyo yo kwakira Perezida Macron, bamagana uruhare rw’Ubufaransa n’amasosiyete yo muri icyo gihugu mu gusahura umutungo kamere, kwamagana ingabo z’Ubufaransa zibayo ndetse n’ifaranga ryashyiriweho ibihugu byakoronejwe n’Ubufaransa ryitwa CFA, bivugwa ko Ubufaransa riryibiramo Africa.

Muri Côte d’Ivoire, Macron azitabira inama y’i Abidjan, ivuga ku mubano w’Ubumwe bw’Uburayi na Africa, aha akaba yizeye kuzahura umubano w’igihugu cye na Africa ahanini bishingiye ku mpinduka yatanze zaba mu muryango w’Ubumwe bw’Uburayi.

Macron yatangije ubusabe mu bihugu by’Uburayi ngo bishyigikire umutwe w’ingabo (G5 African military force) uzaba ukorera mu bihugu bya Sahel (bikora mu butayu bwa Sahara), mu rwego rwo guhangana n’icuruzwa ry’abantu cyane iryagaragaye muri Libya.

Azanashyira ibuye ry’ifatizo ahazubakwa umuhanda wa gari ya moshi mu mugi wa Abidjan, ibikorwa bizakorwa na sosoyete y’Abafaransa n’Abanyakoreya (Bouygues-Dongsan) ku nguzanyo y’Ubufaransa ingana na miliyari 1.4 z’ama-Euro.

Umunsi wa nyuma w’uruzinduko rwe ni muri Ghana, igihugu cyahoze gikolonijwe n’Ubwongereza, ngo azajyayo kugira agaragaze ko Ubufaransa bufite politiki nshya kuri Africa, nk’uko bitangazwa n’abajyanama be.

Ubufaransa ariko bufite isura mbi kuri Africa muri iyi minsi, ndetse abenshi buabishinja kuba ari bwo bwahitanye Muammar Gaddafi wategekaga Libya, ubu iki gihugu kikaba cyarabaye indiri y’ibyaha kugera no kugurisha Abirabura ku isoko nk’Abacakara mu gihe bitari byarigeze bibaho ku butegetsi bwe.

RFI

UMUSEKE.RW

6 Comments

  1. Rugero

    27/11/2017 at 2:08 pm

    Ejotuzazindukire mumuhanda tumwamagane

  2. -

    27/11/2017 at 2:29 pm

    Mukecuru se izi ngendo azazibasha ra? Cyangwa azasigara ku rugo?

  3. Dr. Callixte Yadufashije

    27/11/2017 at 3:25 pm

    Ubuhendanyi bukomeye bw’ibihugu byiburayi bitwereka ko byitaye kuri Africa tujye tubutahura. imagine ngo politiki ya Macron kuri Africa??, twe abanyarwanda ubufaransa tubuziho ubugome bukomeye cyane ahanini muri genocide yakorewe abatutsi. Africa ntikwiye kugirirwa politiki nundi muntu utari umunyafurika. agasuzuguro nkaka kajya kambabaza, bibye imitungo yabanyafurika baradepa iwabo ariko Africa iricwa ninzara mikinyejana cya 21 kweli. macron se agiye guhindura iki muburezi, iyo ubushakashatsi bukozwe umuzungu niwe ugomba kubemeza ukuri kwabwo gusa abanyafurika tumenye ibyo dukeneye kuko abanyaburayi nabo bazi ibyo bashaka muri Africa.

  4. uk

    27/11/2017 at 3:47 pm

    @Dr.Callixte ibyo uvuga nibyo ariko turarenganya abazungu nonese ubu bene wacu bariroha mu Nyanja baragurishwa nk’amatungo iyo nzara uvuga ko afurika yera biterwa niki, nikibazo cy’imiyoborere afurika ifite cyabaye nkicyorezo nonese young generations zabonye ntayandi mahitamo kuko guhindura ibintu muri afurika ntibyoroshye kubera system yubatswe bahitamo kujya kwiyahura ubwo rero nidukoma urushyo dukome ningasire

    • Atuheire Junior

      27/11/2017 at 5:53 pm

      Ariko nawe ntiwirengagizeko urwo rubyiruko rwiroha mu nyanja ruba rwagiye gushak’amaramuko kuber’ubushomeri mu bihugu byabo. Igihugu gifit’ubutunzi buruta ubwa Espagne na Italie inshuro ijana ariko uwo mutungo wose ugashirira mu mifuka y’abakomeye, ugasanga igihugu nta muhanda n’umwe kigira, ibitaro byabay’amatongo kandi gifat’imyenda n’inguzanyo z’amamiriyari buri mwaka ngo ni izo kubak’ibikorwa remezo. Kubera ruswa no kurebera, abaz’ubwenge sibo bahabw’akazi ahubwo kagahabwa abafite aho bahuriye n’abakomeye. None se umuntu n’ubundi ko aba agiye kwicwa n’inzara kuki atakwicwa n’amazi yo amurangiza vuba? Harya abitwikishaga essence kuberako leta yabimy’imirimo na bonbon batangiye kuzunguza inzego z’umutekano zikazibaka? Siko byagenze muri Tunisie ubwo Printemps Arabe yatangiraga igakwir’ibihugu byose by’abarabu? na Lubumbashi muri Congo ejo bundi byarabaye aho umushoferi wa taxi voiture yitwitse kuberako polisi yamusabag’amafaranga uko atambukany’umugenzi noneho abonye na versement atakiyibona kubera ruswa yo mu muhanda aba arishumitse. Imitungo yacu iribwa n’udutsiko turi ku butegetsi twe tukaviramo aho. Kuber’inzego ziba zubakiy ekuri ruswa n’icyenewabo, ntabwo na duke dufite ducungwa neza kugirango dufashe rubanda. Icyo abazungu bamaze muri iyi mibabaro yacu, ni ugushyiraho abantu batadukorera ahubwo babakorera, ikindi ni uko iyo mitungo yacu yibwa ijya kubikw’iwabo bakaruca bakarumira kuko baba baziko aho buzakera bazayigumana. Urugero ni ama miriyari ya Sani Abatcha, Mobutu, Ghadaffi, uriya mugabo muri Chili n’uwo Philipine ubusuwisi bwanze guh’ibihugu yasahuwemo ahubwo bukayiyubakiramo ibibuga by’indege na za kaminuza zikomeye.

  5. mukarugira emerence

    29/11/2017 at 1:02 pm

    ngo abanyafurika baracyabya abana 7-8, birasekeje kuo we nubusanzwe ntanumwe azabona none se azamubyarana nuriya mukecuru wenda kwipfira?Keretse niyinyabya ahandi wenda akabyara 1, ariko nubusanzwe muri gahunda zabazungu kubyara ntibibamo, bazakore Ambiance ryari se?ubwo se azaba agiye kubabuza kubyara? Ahaa nuko nyine ataza mu rwanda ngo yibeshye avuge gutyo, yahita asubira mu ndege yajemo, twe baraduhemukiye ntabwo yabirota.

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock