Perezida yashyizeho Minisiti mushya wa MINEDUC n’uwa ICT – UMUSEKE

Perezida yashyizeho Minisiti mushya wa MINEDUC n’uwa ICT

Perezida wa Repubulika Paul Kagame yakuye ku myanya Minisitiri w’Ikoranabuhanga Jean Philbert Nsengimana, ndetse na Minisitiri w’Uburezi Dr. Musafiri Papias Malimba, abasimbuza abandi bashya muri Guverinoma.

Dr. Eugene Mutimura wagizwe Minisitiri w'uburezi mushya (Photo: Newtimes).

Dr. Eugene Mutimura wagizwe Minisitiri w’uburezi mushya amaze igihe mu by’uburezi ariko yize ubuganga (Photo: Newtimes).

Itangazo ryashyizweho umukono na Minisitiri w’Intebe Dr. Ngirente Edouard riragira riti “Ashingiye ku biteganywa n’Itegeko Nshinga rya Repubulika y’u Rwanda ryo mu 2003 ryavuguruwe muri 2015, Perezida Paul Kagame yashyizeho abaminisitiri ku buryo bukurikira, Minisitiri w’Uburezi: Dr. Eugene Mutimura, na Minisitiri w’Ikoranabuhanga n’Itumanaho: Jean de Dieu Rurangirwa.”

Dr Eugène Mutimura wagizwe Minisitiri w’uburezi ni umuganga wabyize ariko umaze igihe mu by’uburezi, yari kandi umuyobozi ushinzwe ubushakashatsi muri Women’s Equity in Access to Care and Treatment (WE-ACTX).

Jean de Dieu Rurangirwa wagizwe Minisitiri w’Ikoranabuhanga n’Itumanaho yakoraga muri Minisiteri y’Imari n’Igenamigambi nk’umuyobozi mu mushinga wa IFMS (Integrated Financial Management System) uburyo bw’ikoranabuhanga bukoreshwa mu micungire y’amafranga ya Leta.

Minisitiri Jean Philbert Nsengimana

Minisitiri Jean Philbert Nsengimana

Jean Philbert Nsengimana wabaye Minisitiri w’Ikoranabuhanga kuva mu 2011, ku buyobozi bwe urwego rw’ikoranabuhanga rwageze kuri byinshi haba muri Serivise z’imari, iyihutishwa rya internet yihuta, u Rwanda rwavuye kuri “analogue” rujya muri “Digital”, ndetse azibukirwa ku mushinga “Smart Africa” uri kugira u Rwanda ihuriro ry’ikoranabuhanga, ndetse ubu Serivise nyinshi ziratangwa hifashishijwe ikoranabuhanga.

Nk’umuyobozi w’urubyiruko kandi, Minisitiri Nsengimana yagize uruhare rukomeye mu mishinga yo guha ubushobozi n’urubuga urubyiruko nka “Youth Konnect Rwanda” na “Youth Konnect Africa”.

Dr. Musafiri Papias Malimba we winjiye muri “Cabinet” tariki 25 Kamena 2015, impinduka yakoze mu burezi muri Kaminuza, mu mashuri abanza n’ayisumbuye, mu myigishirize ndetse no kuvugurura imfasha nyigisho umusaruro wabyo uzamenyekana mu bihe bizaza waba mwiza cyangwa mubi.

Dr Musafiri yari amaze iminsi mu mavugurura y’imyigishirize muri Kaminuza zigenga, hari n’izari ziherutse gufungwa kugira ngo zuzuze ibisabwa kandi zirabikora, ibyo zananiye arazifunga.

 

Perezida Kandi yagize Olivier KAYUMBA, Umunyamabanga Uhoraho muri Ministeri ishinzwe impunzi n’imicungire y’ibiza. Yasimbuye Antoine RUVEBANA wari uri kuri uyu mwanya kuva tariki 11 Gicurasi 2011. Uyu munsi Ruvebana yari yagiye gusura impunzi z’abanye-Congo i Gicumbi.

Perezida kandi yagize Francis Musoni, amugira umunyamabanga mukuru muri Komisiyo yo gusubiza mu buzima busanzwe abavuye ku rugerero.

UMUSEKE.RW

33 Comments

  1. Sibo

    06/12/2017 at 7:01 pm

    MINEDUC bizagorana kuyibonera umuyobozi uhoraho. Marimba yageragezaga. Ndi umwalimu ariko Mineduc yacu tuyifata nko kuguha imodoka itagira essence nyuma bakagusaba ngo ihute.Naho abagiye kubyishimira harimo n’abanyeshuri ba Kaminuza ndabasetse mutaratangira kubikora.

  2. Eric

    06/12/2017 at 7:15 pm

    Papias yari yaratinze gusezererwa kuko byagaragarako atumva icyo uburezi aricyo, yabufataga mu ishusho ya politike gusa, ese umusimbuye we haricyo azamara cyangwa gahunda ni ugukomeza ireme ry’uburozi?

  3. Ryamukuru

    06/12/2017 at 7:28 pm

    Utaranenze aba bayobozi bakiri mu myanya yabo ntatangire ubu, byaba ari ubugwari. Abashima bo sawa rwose.

    • kwizera

      07/12/2017 at 5:55 am

      wabagahe wowe ubu philbert aho yahereye avuga 4G yo mu ma bus ya kigali hari iyo wabonye???Malimba aho yanengewe kuri ya makosa yo guhagarika ama kaminuza wabaga he?ahubwo minisanté sinzi uko isigaye Wenda banze kwica uburinganire ariko akavuyo kabaye mu rugaga rw’abaforomo n’urw’abandi bakora kwa muganga(RAHPC) Birarambiranye

  4. Abato

    06/12/2017 at 7:41 pm

    Ubwo ujya gusiga uramurinda koko. Perezida arahira yarahiranye guverinoma yose uko yakabaye abantu baribaza ngo kuki ntacyo yahinduye kandi hari byinshi bipfa. We burya yariyibitseho akabanga agirango agoragoze ariko byaranze. Aherutse mu nama irebana n’uburyo bwo gutez’urubyiruko imbere ngo rudakomeza gushirira muri Libiya ubwo yabonye amakosa yose ari kwa Firiberi. Ngo hari ibigega bitez’imishinga y’urubyiruko imbere ariko wabaza ushinzwe urubyiruko ku karere uko bimeze akakubwira ngo nanjye sinzi ibyo nshinzwe kuko nta budget ngira. Ngo na transport injyana mu nama ngomba kubanza gusabiriza kwa kontabure. Ngo nimufat’imyenda muri banki mukore wagerayo ngo nta ngwate ufite kandi birirwa baririmba ngo hari ikigega gitang’ingwate kunrubyiruko n’abategarugori kandi gitanga ubusabusa nabwo ari uko mumaze gukora koperative ya baringa. Tuzatezw’imbere nomkoror’inkwavu no gukora amasabune mu mamesa koko? Nimuduhe akazi dukore, muce itoneshwa n’icyenewabo mu mitangire y’akazi kandi muhe banki amabwiriza atomoye aduh’ingizanyo twikorere maze urebe ngo tuzongera kwirirwa dutonze imirongo kuri za ambasade dushaka za viza z’ibinyoma abandi biroha mu muriro no mu nyanja.
    Mineduc yo nibashaka bazayegurire abikorera ku giti cyabo kuko ibyayo byabaye agatereranzamba. Ariko nabwo kuba nta bana banyu baharenganira niyo mpamvu ntacyo bibabwira ubundi ministre yajyaho akavaho nabi cyane ntana kimwe ashimiwe. Sinshaka kuzur’akaboze nyamara mbere twize neza n’icyo gifaransa byibuze twe turakivuga kandi nta mwana w’umutegetsi wize hanze y’igihugu cyangwa muri privee. Bose bigaga mu mashuri ya Leta kandi bakavamo baz’ubwenge. Ni uko za Camp Kigali na Camp Kanombe zavutse. Ngayo nguko.

    • Basebya Jr

      06/12/2017 at 8:20 pm

      Ejobundi numviseko hari nabava muri za green hills bagahita bafata indege bakajya USA cyangwa UK.Muri make ntabwo bizera ibyo bashyira mu bikorwa mu gihugu bayobora.

  5. Bob

    06/12/2017 at 7:45 pm

    Yooooo wa muhungu wa Burugumestiri wa Gisovu yubikiwe imbehe rero????

    • Rony

      07/12/2017 at 7:52 am

      Nta mugabo ugerwaho undi, tandukanya Philbert na bourgemestre wa Gishyita!!

  6. Ruremesha

    06/12/2017 at 7:48 pm

    Min Philbert yaragerageje rwose. Imyaka 7 ariko uri Minister nayo iba ari myinshi. Twizereko agiye guhindurirwa inshingano akayobora Smart Africa Initiative kuko aracyafite potential.

    Ikintu mugaya ni kimwe, nuko yananiwe guha isura nshya ibigo bwa leta byose guhera kugera n’ubu bigifite amawebsites y’umwanda wagirango ngo blogs abana bakigiraho gukora website. Ikibabaje nuko tuzi kuvuga ko u Rwanda ari Africa ICT hub kdi akantu nk’aka karatunaniye. Twizereko weda uyu mushya azakomerezaho ariko aka kantu akagakosora rwose.

    Min wa Education we yarakwiye kugenda. Ariko Ikibazo ndumva kitari gikwiye gushakira mu guhindura abaminister ba MINEDUC ahubwo Kagame yarakwiye kureba niba bidapfira kuri we. Kuko abaministers ba Mineduc bahinduka buri ighe ariko ntagihinduka. Bahindure Policy ndetse banongeze abarimu rwose birakenewe.

    Dushaka Home Grown solutions zo kuzamura abarimu mu mishahara n’ubumenyi. Ibindi bizagenda neza rwose.

    Murakoze Umuseke

  7. Kim

    06/12/2017 at 7:48 pm

    Hahaha. Icyo kigereranyo rwose kirimo ubuhanga n’ukuri kwinshi. Ngaho nibayihe abandi turebe

  8. Eric

    06/12/2017 at 9:50 pm

    Niguhindura amapine Moteur ikiri yayindi! We ko abizi ko ariwe ubyica yakwihinduye?

  9. Claude

    06/12/2017 at 10:07 pm

    ministeri yuburezi ikeneye ikintu cyimwe gusa gushyiraho policies igenga uburezi mu Rwanda apana buriwese uje guhindura ibyasanze nundi,nundi mpaka wagirango baba badukiniraho reka turebe uyuje da

    • Bozizi

      06/12/2017 at 11:16 pm

      Philbert yarakoze cyne urebye aho twari turi mu ikorana buhanga mumyaka 7 naho turi ubu biraduha ishusho yubushobozi bwe urebye nkumushinga wa smart Africa cg youth konnect ukongera ukareba internet yihuta 4G yaje mugihe ibihugu duturanye byazanaga 3G ukareba ukuntu twavuye muri analogue tukajya muri digital nibyo kwishimira service za leta zarihuse yakoze byinshi gusa reka twizereko bagiye kumuha smart Africa kuko abifitiye ubushobozi

  10. Sam

    06/12/2017 at 11:07 pm

    Utyo @ruremesha uvuzw ukuri wamugani nawe akwiye kwicara akareba niba atariwe bipfiraho

  11. mwarimu

    07/12/2017 at 6:01 am

    uburezi bwacu bwabaye poto poto! niyo mpamvu abana babakire Bose bigira kwiga hanze. UR yo yarasenyutse hasigaye uzina gusa. nge numva bagarura ba Mudidi bakera, naho ubundi hize uwize ndabarahiye.

  12. Rurangwa

    07/12/2017 at 7:49 am

    Amakuru ashingiye ku itohoza yemeza ko Minisitiri Philbert NSENGIMANA na Dr. Papias MALIMBA bashobora kuba bazize kutavugisha ukuri ku ikibazo cya Mudasobwa za POSITIVO zakwirakwijwe mu banyeshuri ba Kaminuza ndetse no mu bigo by’amashuri kandi nyamara zifite inenge igaragara itewe n’imikorere yazo.

    Icyo kibazo abo bayobozi bombi bakomeje kujya bagica iruhande kandi nyamara Leta yaratanze amafaranga menshi kuri izo Mudasobwa za POSITIVO, none abanyeshuri bamwe ba Kaminuza bazihawe bagiye kurangiza amashuri ntacyo bazikoresheje kubera ko zapfuye rugikubita/bakizihabwa, hanyuam zigasubizwa ku ruganda ngo zikorwe ariko ubu inyinshi zikaba zikiriyo ntacyakozwe, kandi Minisitiri wa ICT na Minisitiri w’Uburezi bakaba ntacyo bakoze kigaragara ngo bamenyekanishe icyo kibazo gishakirwe umuti ukwiriye.

  13. mukarugira emerence

    07/12/2017 at 7:55 am

    mwarimu rwose urasekeje, ngobagarure ba “MUDIDI,NABANDI BAYINYUZEMO KERA? Keretse niba mushaka ko umusaza MUDIDI agwa imbere y`abanyeshuri we se harubwo yari yarongeje abarimu?

  14. h

    07/12/2017 at 8:15 am

    Philbert yakoze byinshi byiza pe, yigeze no gusaba imbabazi muri ya gahunda ya #NdiUmunyarwanda icyiiza, ariko iriya gahunda yahezehe? mperuka bavuga ko bizakomereza mu baturage basabana imbabazi…

  15. Mbangura

    07/12/2017 at 8:19 am

    @Rurangwa, Nibyo koko uvugishije ukuri, ikibazo cya Mudasobwa za POSITIVO abo ba Minisitiri bombi bakomeje kugihishira bituma abanyeshuri bo muri Kaminuza bazihawe kandi zidakora bagwa mu gihirahiro, kandi nyamara ngo bazihawe nk’inguzanyo kandi bazazishyura. Ibaze nawe kuzishyura Mudasobwa utigeze ukoresha na rimwe kubera ko bayiguhaye ifite ikibazo cya tekiniki mu mikorere yayo, kandi wajya no kubaza ababishinzwe ukabona ntacyo bagikoraho.

    Minisitiri Philbert NSENGIMANA aho Abadepite bamutumirijeho ngo ajye kugisobanura mu Nteko yarabeshye ngo izo mudasobwa zakorewe abanyeshuri bo muri Primaire gusa, none ni kuki yari azi ko zakorewe abanyeshuri bo muri Primaire ariko akarengaho akemera ko zihabwa abanyeshuri biga muri Kaminuza??? Kuki se Dr. MALIMBA Papias wari ushinzwe MINEDUC nawe yemeye ko izo mudasobwa zihabwa abanyeshuri biga muri Kaminuza kandi azi ko zakorewe aba Primaire gusa???

    Icyo gisubizo cya Minister Philbert cyateye urujijo mu badepite no mu banyeshuri ndetse no muri rubanda muri rusange. Birumvikana ko icyo gisubizo cya Minister Philbert mu Nteko kitanejeje abayobozi bo mu nzego zo hejuru bagize uruhare mu ikorwa no mu itangwa ry’izo Mudasobwa za POSITIVO kuko cyakuruye impaka zikomeye.

    • yayo

      07/12/2017 at 10:54 am

      haaa, muzabaze abazikoreye type approval naho abo murabarenganya.

  16. Paul

    07/12/2017 at 8:20 am

    Urakoze H.E. Paul Kagame. Abanyarwanda twagutoye turanezerewe cyane. Uyu Dr Malimba asize yangije uburezi, cyane cyane muri za kaminuza. Tekereza ukuntu yananiwe gukora audit ihindura imyigire muri Kaminuza y’u Rwanda kugeza ubwo ejo bundi Dr Muligande avuze akari imurori. Uyu Minisitiri yakoreshaga politiki n’igipindi gusa ariko umusaruro n’ubumenyi ntabyo. Niharebwe no muri HEC aho Dr Muvunyi Emmanuel akomeje kubizambya kubera kutabyumva n’akajagari. Aha hakenewe umuntu w’inyangamugayo kandi uri ku rwego byibuze rwa Professor. Hari aho abakozi bafite Bachelor’s degree bahaguruka ngo bagiye gukora audit ya Kaminuza, ni akumiro. Twizere ko muri aya mavugurura ikigo nka HEC kizashakirwa abakozi babishoboye.

  17. Rwasibo

    07/12/2017 at 8:44 am

    Mbega impinduka we! Muzehe arashishoza buriya abo ashyizemo bafite icyo batuzaniye
    Ariko njye reka nivugire ku Burezi ho gato!

    Nibatekereze neza icyatuma ubushobozi n’ubumenyi bw’urangiza bigira ireme nyaryo; ntabwo u Rwanda dukeneye umubare mwinshi wabaragiza rwose ahubwo dukeneye abarangiza bagatanga umusaruro.

    Ibaze nawe wisanze urangi A0 ugasanga uracyafata CV zabandi ugakosoreramo nabwo ari formule nta kintu kizima wongeramo icyo ni ikibazo.

    Naho ku ikoranabuhanga nibagerageze kwegereza abakiri bato babagezeho ibikorwa remezo bakeneye kandi ku buntu nibiba ngombwa babashakire abateye imbere mu ikorana buhanga babigishe ubwo nabyo bihite bigaruka cyane k’uburezi, naho ibyo gufata abantu 2 cg 3 bakabaha ubushobozi burenze ubwo bakeneye bakiberaho bonyine ibyo sibyo byateza u Rwanda imbere mu buryo burambye!!!!

  18. zoro

    07/12/2017 at 9:04 am

    niba abana b ‘abayobozi buri gihe kwiga ari ugutekereza USA, india, china, UK ……………..ndahamya ko uburezi bazabutobanga uko bishakiye kuko bo nta ngaruka bizagira ku bana babo…ikindi kimenyetso kirimo ni uko batabwizeye…..so habeho kwizera ko uburezi made in Rwanda bwatezwa imbere ….naho made in rwanda y’inkweto gusa,…..n ubundi bucogocogo nta kigenda bidaherewe mu burezi de qualité

  19. Bakundukize

    07/12/2017 at 9:33 am

    Minisitiri w’Uburezi mushya, Dr. Eugene Mutimura tumwifurije ikaze. Naze rwose nawe agerageze arebe ko uburezi bwo mu Rwanda yabuha umurongo mwiza watuma ireme ryabwo ryakomeje kugwa hasi wenda rizanzamuka.

    Mu bibazo byihutirwa yakagombye kwitaho kurusha ibindi, harimo ivugurura rya Rwanda Education Board (REB) kuko muri REB harimo ibibazo by’ingorabahizi bituma uburezi budindira cyane ku bijyanye n’imyigire n’imyigishirize. REB ikeneye abakozi bahugukiwe neza iby’uburezi kandi bafite umuhate wo gushyira mu ngiro gahunda zisobanutse zigamije guteza imbere uburezi. Gukora imfashanyigisho zumvikana, zisobanutse, zifite injyana kandi zifite ireme, guhugura abarimu muri buri somo bigisha no mu rurimi rw’icyongereza, gutegura ibizamini bishingiye mu kumenya icyo abana bafite mu mutwe atari ugushaka gusa kubaha amanota, kugenzura neza niba koko amasomo yigishwa mu mashuri hari ubumenyi bufatika asigira abana, etc…,ibyo ni bimwe REB yari ikwiye kwitaho cyane mu nshingano zayo.

    Minisitiri mushya yakagombye kandi no kwihutira kuvugurura ibya WDA kuko usanga ubu ibyitwa ko ari inyigisho z’ubumenyingiro zihabwa abanyeshuti biga muri za TSS zibanda ahanini kuri theories gusa ugasanga Pratique isa naho ntayo kandi nyamara ariyo yakagombye guhabwa igice kinini, ibyo ngo bigaterwa ahanini no kubura ibikoresho ariko kandi hakaba n’ikibazo cy’abarimu bigisha muri ayo mashuri y’imyuga badahugukiwe neza n’ibya za pratiques zigomba guhabwa abanyeshuri. Bisigaye bigaragara ko abanyeshuri barangije amashuri yisumbuye y’imyuga n’ubumenyingiro baba badafite “hands-on skills” zikenewe ku isosko ry’umurimo.

    Hari hakwiye gushyirwaho bwangu ishuri rikuru ryigisha abarimu bazigisha mu mashuri yisumbuye y’imyuga n’ubumenyingiro.

    Ariko tukiri kuri icyo kibazo cya WDA na REB, hari abibaza niba bitaba byiza ibyo bigo byombi babihurije hamwe bikavamo ikigo kimwe kireberera uburezi muri rusange mu gihugu cyose, haba mu mashuri atanga ubumenyi rusange no mu mashuri atanga ubumenyingiro. Ababivuga bashyira imbere ko byagira impinduka nziza mu ku “organazinga” (organizing) uburezi no ku ireme ry’uburezi kandi bikanarinda isesagurwa ry’amafaranga y’igihugu ubona atangwa ku bikorwa bimwe bigiye gusa muri ibyo bigo byombi, kandi byashoboraga gukorerwa hamwe, bityo Leta ikaba “yasevinga” (saving) amafaranga.

    Hari n’ikibazo cya Curriculum nshyashya yatangijwe vuba aha mu mashuri abanza n’ayisumbuye (Competence-based curriculum) nyamara ugasanga ibitabo bijyanye n’iyo curriculuum ntabihari, bityo ugasanga abarimu baheze mu gihirahiro bibaza niba bigisha bakurikije porogaramu nshyashya nta bitabo byayo bafite, cyangwa niba bakomeza kwigisha bakurikije porogaramu ya kera!! Bamwe rero bahitamo gukomeza kwiyigishiriza mu buryo bwa kera mu gihe batarabona ibitabo bijyanye n’uburyo bushyashya. REB niyo ifite inshingano yo kwandika cyangwa kwandikisha ibyo bitabo no kubikwiza mu mashuri, ariko urabona rwose ko abayobozi ba REB babishinzwe babigizemo intege nke cyane. Iki kibazo nacyo rero gikwiye gushakirwa umuti mu maguru yihuse.

    Ikindi kibazo cy’ingutu gihari ni ikijyanye na “double vacation” muri Primaire aho usanga abana biga bamwe mu gitondo abandi nimugoroba. Icyo kibazo kirakomeye cyane ariko Minisitiri mushya yakagombye kucyitaho kuko ni kimwe mu bidindiza ireme ry’uburezi. Ntabwo RWOSE byumvikana ukuntu abana biga muwa kane (P4), muwa gatanu(P5), muwa gatandatu (P6) bakomeza kwiga muri iyo system y’igitondo n’ikigoroba, kandi nyamara amasomo biga aba afite uburemere busaba ko biga umunsi wose. Umwana wize ikigoroba akenshi ntacyo atahana kuko umwarimu muri icyo gihe aba amaze kunanirwa bikaba byumvikana ko umusaruro yatanze mu gitondo atariwo ashobora gutanga na nyuma ya saa sita.

    Icyo kibazo cya double vacation kandi kigira n’ingaruka mbi ku byerekeye uburere bw’abana, kuko usanga abana iyo bize mu gitondo gusa, nyuma ya saa sita nta occupation yindi bafite, bagira tendance yo kujya kwishora mu bikorwa bigayitse, harimo ndetse na kiriya kibazo cy’abanyeshuri b’abakobwa bo muri Primaire batwara inda. Leta/MINEDUC rwose niyige kuri iki ikibazo irebe ko yasubizaho gahunda ya kera yo kwiga umunsi wose nibura ku banyeshuri bo muri P4, P5, na P6.

  20. Simon

    07/12/2017 at 10:09 am

    Njye uko mbibona niba Leta yemeza ko hari ireme ry’uburezi, abayobozi nibabasabe kujyana abana babo muri ayo mashuri begereje abaturage. Ibyo bizatuma agirirwa icyizere naho ubundi iyo abaturage babona bayahungisha abana babo biragora kuyagirira icyizere. Nk’uko Umuyobozi mwiza atura mu karere ayobora, abashyiraho za politiki z’uburezi reka tubone abana babo bagana ayo mashuri atanga uburezi bw’ibanze. Naho ubundi ntibizoroha.

  21. Kokoriko

    07/12/2017 at 10:26 am

    Mineduc kugirango ikosoke Mzee wacu asabwa gukora general cleaning agashyiramo batallion yose ya basirikare basomye maze urebeko bitazatungana then all agencies relates to Mineduc zikumvira minister Hec ,ReB Byose bajye bakora ibyo minister yashyizeho umukono kuko usanga buri kigo gishyiraho amabwiriza yacyo so hakenewe one commander abandi bakaba ba twice. Naho MOh yo Diane arebe neza councils zitamuvangira akavanwa kuri MOH agifite imbaraga nubushake kuko ubona ko batangiye guhekenya ibinini rwose

  22. Kokoriko

    07/12/2017 at 10:27 am

    Mineduc kugirango ikosoke Mzee wacu asabwa gukora general cleaning agashyiramo batallion yose ya basirikare basomye maze urebeko bitazatungana then all agencies relates to Mineduc zikumvira minister Hec ,ReB Byose bajye bakora ibyo minister yashyizeho umukono kuko usanga buri kigo gishyiraho amabwiriza yacyo so hakenewe one commander abandi bakaba ba twice. Naho MOh yo Diane arebe neza councils zitamuvangira akavanwa kuri MOH agifite imbaraga nubushake kuko ubona ko batangiye guhekenya ibinini rwose the new Minister karibuni

  23. Kagabo

    07/12/2017 at 10:54 am

    Ikibazo cy’uburezi kirakomeye kandi kigomba kwitabwaho kuko niho haturuka bariya bishora mu nyanja bajya mu Burayi kubera kubura icyo bakora barangije amashuri.Biragaragara ko uburezi bwahuye n’ingorane nyinshi kubera kubura politiki ihamye mu burezi. Rero ikibazo si guhindura minisitiri. Hakwiye guterana inama karundura yakwiga ibirebana n’uburezi.Birumvikana ko abana bose badashobora kujya muri Kaminuza, hakenewe amashuri menshi y’imyuga ariko hagashyirwaho n’inganda bazakoramo. Ikibazo rero kiracyari kirekire niba uburezi butizewe abana b’abategetsi bigira kwiga mu mahanga!!!

  24. uko mbyumva

    07/12/2017 at 11:04 am

    Dukeneye Minister w’uburezi ushobora guha Uburezi bw’u Rwanda icyerecyezo.Ubona rwose aricyo cyibuze,apana kuzana buri gihe abazimya muriro cyangwa se ababivanga kubera kutabisobanukirwa.Policies z’uburezi zirahari ariko ntekereza ko impamvu duhorona ibibazo by’urudaca mu burezi ari ukubura Philosophy and Guding Principles uburezi bwacu bwubakiyeho.Hakenewe rero Minister ubyumva rwose kdi agafasha uburezi bwacu kubakira kuri foundations zikomeye.Mu nama y’umushyikirano itaha hazaganirwe rwose ku cyerecyezo cy’uburezi twifuza n’uko bikwiye gukorwa.

  25. Kazagwa

    07/12/2017 at 11:54 am

    Leata y u Rwanda niyo nyirabayazana w ibibazo byose biri muri MINEDUC naho aba Ministres bararengana .

  26. kendrick

    07/12/2017 at 5:43 pm

    twizeye ko minister mushya agira icyo akora kuri bursary kuko hari abaziga imyaka itatu urumva baziga ibihembwe bitatu kd bafate bursary imwe nabaziga ibihenbwe bibiri naho icya postivo cyo bazibahaye rwihishwa none bibakozeho nibyo kbs mushimiwe ibyo mwakoze kuko nibwo bushobozi mwari mufte

  27. Ndumiwe

    07/12/2017 at 5:45 pm

    Ngewe ndabona uburezi bw’imbere mu gihugu bwaratereranywe,kuko buramutse bushyizwemo imbaraga n’amafaranga angana nk’ashorwa mu kubaka imiturirwa imwe muri Kigali nta shiti bwaba uburezi buzima kandi n’ireme ryazamuka.Bigaragara ko uburezi bw’imbere mu gihugu butitaweho n’ababifite mu nshingano zabo cyane ko abana babo ubwo burezi baba batazabukenera ntacyo baba baramira.

  28. BERAKUMASO Aimable

    08/12/2017 at 10:44 am

    Hakenewe impinduka nyinshi pe! twizere ko minister mushya w’uburezi azanye ibisubizo ku bibazo biri mu itangwa ry’akazi k’ubwarimu. Indi mirimo yose itangwa hakoreshejwe urubuga rwa leta MIFOTRA, ariko washaka ib’abarimu ntumenye igihe n’aho bitangirwa. Uyu muyobozi mushya rwose azakosore icyo kintu

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock