Rayon igiye kugurisha itike yo kwinjira ku mikino yakiriye umwaka wose – UMUSEKE

Rayon igiye kugurisha itike yo kwinjira ku mikino yakiriye umwaka wose

Ku nshuro ya mbere ikipe yo mu Rwanda yateguye uburyo bwo kugurisha amatike y’umwaka wose. Harabura iminsi itatu ngo Rayon sports ibimburire izindi kugurisha amakarita yemerera abafana bayo kureba imikino yose bakiriye (League season tickets).

Ikarita yemerera abakunzi ba Rayon kureba imikino yose izasohoka kuwa mbere

Ikarita yemerera abakunzi ba Rayon kureba imikino yose izasohoka kuwa mbere

Kuwa mbere tariki 4 Ukuboza nibwo ubuyobozi bwa Rayon sports buzatangaza ku mugaragaro bunatangire kugurisha amakarita y’abanyamuryango bayo.

Imyaka yari ishize ari myinshi uyu mushinga uvugwa ariko ntushyirwe mu bikorwa ariko igihe cyo kubitangaza cyageze nkuko Umuseke wabitangarijwe n’umunyamabanga uhoraho wa Rayon sports Itangishaka Bernard bita King.

“Byavuzwe kera ariko igihe cyageze. Kuwa mbere tuzasohora amakarita y’abanyamuryango ba Rayon sports ari mu byiciro bitandukanye. ‘VVIP card’ izagurishwa ibihumbi 100frw. VIP ni ibihumbi 50frw. Abazagura izi karita bazemererwa kureba imikino yose Rayon sports yakiriye mu gihe kingana n’umwaka. Abadafite ubushobozi bw’izo karita bashyiriweho uburyo bwo gutera inkunga ikipe yabo bagura ikarita za 5000frw, 10 000frw na 20 000frw. Ariko bo bazakomeza kugura amatike uko bisanzwe.”

Ibi byakozwe mu rwego rwo gukusanya amafaranga yahoraho agatunga Rayon sports no mu gihe nta mikino yabaye ngo bishyuze kuri stade.

Iyi kipe yatwaye igikombe cya shampiyona y’u Rwanda ‘AZAM Rwanda Premier League2016-17’ niyo kipe ya mbere muri Afurika y’Uburasirazuba itangije iyi gahunda yo kugurisha amatike yemerera abafana kureba imikino umwaka wose.

VVIP izemerera abayiguze kwicara mu myanya y'icyubahiro mu mikino Rayon sports yakiriye

VVIP izemerera abayiguze kwicara mu myanya y’icyubahiro mu mikino Rayon sports yakiriye

Roben NGABO

UMUSEKE

11 Comments

  1. h

    01/12/2017 at 10:59 am

    babanze batugezeho ibisubizo by icyishe Katauti banavuge ukuntu umutoza agambanira igihugu, bazajya babura kutugezaho rapports na strategies bagiye gukoresha mh gucyemura ibibazo by ikipe yabo baze batwama amafaranga?? tujye dutanga amafaranga hanyuma abayobozi b ikipe bafungwe, ibyo se bimaze iki? ndi umurayon ariko nabo ni babanze bihagarareho bashyigikire abayobozi babo, barebe impamvu Karekezi atagezwa imbere y ubushinjacyaha vuba banatubwire icyishe Katauti

  2. Wangu

    01/12/2017 at 2:27 pm

    Aba bayobozi numuti wamenyo kabisa ubu barabona dufite umutima wogutanga amafaranga koko umutoza arafunzwe ntakintu bamumarira abakinnyi barahahamutse kubera gufatwa nabandi sinziko ubu batajya mumyitozo umutima uri migitereko hanyuma aho kubanza gukemura ibibazo bati amafaranga nibayagure bo bafitemo inyungu twebwe twaguraga ibyishimo ariko ntabyo dufite ahubwo turababaye ubu wavugako Rayon Sport iriho koko sha genda Gacinya wari umuyobozi waduhaye ibyishimo Imana izabiguhembere abandi baje nabo kuduteza agahinda barangizango amafaranga ubuse umutoza wacu Karekezi arihehe ninde muyobozi umufasha ngo age kuburana nahamwa nicyaha tubimenye ariko ubu ntituzi bimeze gute barangizango mugure amatike yiki se yokureba ikise kureba ikipe yagahinda yabakinnyi bahahamutse badasinzira

    • John

      01/12/2017 at 3:57 pm

      @ Wangu

      Ariko ubanza nawe uri umuti w’amenyo nk’abo bayobozi uvuga!
      None se urashaka ko abo bayobozi batera polisi bagafunguza Karekezi ku ngufu? None se iyo bagiye gukurikirana ikibazo cye bagomba gutanga itangazo cyangwa kubikumenyesha?

      Naho Gacinya uvuga n’ubu arayobora muzamusabe agende afunguze umutoza ko wumva abandi ntacyo bamaze kuko batabishoboye….

  3. Kalisa

    01/12/2017 at 2:29 pm

    @ h

    Ndabona usaba ko bakugezaho strategies zo gukemura ibibazo ikipe ifite kandi kugurisha ariya makarita ni imwe muri zo kuko ntekereza ko ikibazo gihatse ibindi Rayon Sports ifite ni icyo amikoro. Naho ibya Karekezi na Late Katauti ukwiye kubibaza polisi kuko Rayon Sports nta bushobozi bundi ifite uretse kubaza aho bigeze gusa.
    Niba uri umukunzi w’iriya kipe tanga inkunga yawe ugura ikarita cyangwa ubundi buryo aho gushyushya imitwe ubaza ikipe ibya Karekezi mu gihe polisi imufite ntacyo iri gutangaza.

  4. h

    01/12/2017 at 8:47 pm

    nta muntu nashyuhije umutwe, ni igitekerezo cyanjye, ubuse kubura amikoro nibyo byatumye Olivier afungwa cg Kakauti apfa? amakipe turusha amikoro ni menshi kdi ibyo bibazo ntibabifite, ikibazo si amafaranga, banagomba kutugezaho report nk abakunzi babo ahubwo bari bakwiye kuvuga bati:”aho Olivier afungiye ababishoboye cg se abakunzi tuzikoranye tujye kumusura” bakavuga bati:”umuryango Katauti yasize tuzawusure tuwuganirize twumve icyo wifuza niba ari no gufasha dufashe” ariko uribuka ko Gangi abandi bamutabarije nibura bakagira n icyo batanga? ba Kabarebe wabonye bataragiyeyo, ariko twe umuntu aranapfa undi agafungwa nkaho banaduhamagariye igikorwa cy ubuvandimwe ngo amakarita y umwaka?😂😂

    • leon

      02/12/2017 at 7:31 am

      @h,ariko ibyo byose uvuga bikorwa na mafaranga muvandi. kandi ikigeretseho uretse na rayon-sports, abanyarwanda bose bategereje icyo polisi itangaza. wibukeko icyaha yakoze yagikoze nkumukozi wa Rayon sport ntago ari rayon-sports yakoze icyaha ayihagarariye. rero icyaba cyose kizafata impande zose. naho katauti ariko niba ukurikirana basoza ikiriyo Gacinya yavuze ibyo ikipe izakora. rero nta mpamvu yo gutunga abantu agatoki. sinibaza ko abatoza bose baciye muri rayon-sports karekezi uno munsi ariwe ugiye gusaza abafana. ahubwo comite nayisaba gukomeza icyo gikorwa birinda piratage cyane. congz kuri Board kabsa

  5. Kalisa

    02/12/2017 at 12:45 am

    @ h

    Rwose reka kuvanga ibintu kuko nkuko ubivuga ibya Karekezi na Katauti (RIP) ntaho bihuriye n’amikoro ya Rayon Sports. Ariko ibibazo bya Rayon Sports na mbere y’uko abo baza byari bishingiye kandi biracyashingiye ku mikoro. Ibyo gusura Karekezi rwose ntekereza ko ntawabikubujije ariko ntabwo ikipe yatanga itangazo ngo Abarayons bajye gusura umutoza ufunzwe. Ntekereza ko hashobora kuba hari abamusura ku giti cyabo harimo n’ubuyobozi bw’ikipe, ahubwo nawe shyiraho akawe uve mu magambo tu.
    Katauti we nizera ko ikipe hari ibyo iri gupanga ahubwo uzegere ubuyobozi aho gutezereza ubwega iritararenga.

    Ibya Gangi (RIP) niba ari ko byagenze ni byiza ariko baca umugani ko ingendo y’undi ivuna!

  6. Majyambere

    02/12/2017 at 6:20 am

    ibya Olivier Karekezi birenze Rayon man, ni ibihanga by’intare n’ibirokoroko biri kubihanganiramo, ibimenyetso bifatika byarabuze nawe abaryana umwanda kubwizina rye ryanguritse, ubu ntubona iminsi ishize atagezwa murukiko uzi bihatse iki?

  7. Joe

    02/12/2017 at 7:44 am

    Reka amatiku Boss we, baza abashinzwe iperereza ubundi ubaze abashinzwe autopsie, naho ubundi niba ukunda ikipe yiteze imbere nk’uko ujya kugurira umucuruzi muziranye Patron.

  8. Bwenge

    02/12/2017 at 8:34 am

    Uravuga ukuri rwose

  9. Karangawa

    02/12/2017 at 10:47 am

    Ariko wa mugani ubanza Karekezi adafite abanyamategeko bamukurikirana kabisa kuko iminsi yagenwe kugira ngo ukurikiranwe n`icyaha agezwe imbere y`urukiko yararangiye, kuko ntiyakagombye kurenza iminsi 10 atarafatirwa icyemezo kuko ubugenzacyaha n`ubushinjacyaha ntibakagombye kurenza 10 jours atarafatirwa icyemezo, wenda kimurekura cyangwa se kimugeza imbere y`urukiko, kuko iyo bitabaye ibyo avocat, ashobora kurega umufunze bidakurikije amategeko, abanyamategeko ba Rayon musuzume neza Procedure Penal kuko uko bigaragara nta mwunganizi Karekezi afite ukurikirana iki kibazo

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock