Rayon ni ikipe buri mukinnyi yakwishimira gukinira- Patrick Sibomana – UMUSEKE
RALC Ntibavuga bavuga

Rayon ni ikipe buri mukinnyi yakwishimira gukinira- Patrick Sibomana

Umukinnyi wo hagati wa APR FC Sibomana Patrick Papy yemereye abanyamakuru ko Rayon sports ari ikipe yifuza gukinira. Bivugwa ko uyu musore yumvikanye n’iyi kipe yatwaye igikombe cya shampiyona mu Rwanda.

Patrick Sibomana abona Rayon ari ikipe buri mukinnyi yakwishimira gukinira

Patrick Sibomana wari muri APR FC abona Rayon ari ikipe buri mukinnyi yakwishimira gukinira

Nyuma y’imyaka ine ari umukinnyi wa APR FC, Sibomana Patrick Papy ashobora kuba ari gukina ukwezi kwa nyuma muri iyi kipe ya gisirikare yahesheje ibikombe bya shampiyona bitatu.

Bivugwa ko Rayon sports yamaze kumvikana na Sibomana Patrick Papy kuyikinira imyaka ibiri, ikamuha miliyoni zirindwi (7) za ‘recrutement’ n’umushahara w’ibihumbi 400 ku kwezi.

Uyu musore wavutse tariki 15 Ukwakira 1996 ntiyahakanye ayo makuru ubwo yaganiraga n’abanyamakuru nyuma y’imyitozo ya APR FC yo kuri uyu wa kabiri tariki 13 Kamena 2017.

Sibomana Patrick yemeye ko gukinira Rayon sports ari ibintu abakinnyi bose bo mu Rwanda bifuza agira ati: “Ntabwo nshaka gutangaza byinshi ku hazaza hanjye. Gusa Rayon sports ni ikipe nziza. Nta mukinnyi utashaka kuyikinamo ariko nta makuru yandi arenze nabitangazaho kuko ntararangiza amasezerano muri APR FC.

Iyo numvise Rayon sports  inshaka numva ari ibintu byiza kuko ni ikipe ikomeye cyane mu Rwanda kandi ifite abakunzi benshi. Ni ikintu kiza kuko bituma numva nanjye ndi umukinnyi ukomeye. Muri uyu mwaka nkeka ko ntitwaye nabi bishobora gutuma amakipe meza anyifuza. Gusa ibijyanye na ‘transfer’ munyemerere nzabitangaze nyuma (yo gusoza amasezerano muri APR FC)”

Patrick Sibomana bivugwa ko yemeye gusinyira Rayon sports ubwo yateguraga ubukwe na Uwase Housnat Soultan bamaze iminsi mike barwubakanye kuko aribwo iyi kipe yamuhaye ‘cheque’ ya miliyoni zirindwi (7), inamwemerera ko nabona ikipe hanze izamurekura akigendera.

Sibomana Patrick Papy yari amaze imyaka ine muri APR FC kuko yayigezemo muri 2013, yayihesheje ibikombe bya shampiyona bitatu 2014, 2015, 2016, igikombe cy’Amahoro kimwe, igikombe kimwe cya Pre Season, n’igikombe cy’Intwari kimwe.

Sibomana (iburyo) yumvikanye na Rayon sports bari amaze imyaka ine bahanganye

Sibomana (iburyo) yumvikanye na Rayon sports bari amaze imyaka ine bahanganye

Roben NGABO

UMUSEKE

 

11 Comments

  1. Annet

    June 14, 2017 at 6:39 am

    Nagende arahaze, ibyo bihumbi 400 000 se twarayabuze !! nagende tuzabona abandi abana burwanda barahari bazamuka bakeneye kuzamura impano yabo yumupira wamaguru APR FC Oyeeeeeeeeeeeee tukurinyuma

    • Emm

      June 14, 2017 at 3:10 pm

      APR akazi kayo ni ukuveteza aba stars. Savio nagende yumve icyo ba Muhadjiri bamurushije umwaka umwe Ku gatebe ka APR urahahije

  2. Selindwi

    June 14, 2017 at 7:26 am

    Wlcm Papy muri GIKUNDIRO yacu nawe wumve uburyohe

  3. Vinc

    June 14, 2017 at 7:44 am

    hhhh.. ngo igikombe cya preseason??? Gusa ikaze muri GIKUNDIRO

  4. Olivier Gaparaya

    June 14, 2017 at 9:14 am

    Iyizire wumve uburyohe bwa Gikundiro muhungu wacu Papy,nta n aho uhuriye na Savio kuko uramurusha kure cyane,welcome Papy

  5. ISAIE

    June 14, 2017 at 9:53 am

    Welcome muri Gikundiro ikipe ihorana ishyaka n’umurindi w’abafana.
    Ngwino mu munyenga w’ikipe ifite abanyarwanda bose nk’abafana uve mu itagira abafana. Va mu bukonje uze mu bushyuhe!!!!!!!!!!!!!!!!!!

  6. kayigana

    June 14, 2017 at 3:54 pm

    Reka sha, nawe arabizi ntiyahirahira ajya muri Burozi Fc
    Ubwo se yaba yabuze iki muri APR? Cash zirahari ntiyajya kuzishakira muri Rayon

  7. Theogene

    June 14, 2017 at 4:51 pm

    Mbivuga nyamara abanyarwanda bose nabafana baRayon,kdi uko waza umaze kose Rayon ikuzamurira urwego

    Abafana barayon nibobatoza numero1
    Kuko nibo ubwabo batuma umukinnyi runaka abumusitari

  8. Bosco

    June 15, 2017 at 6:00 am

    Papy hano wabeshye ntamukinnyi numwe wakwifuza gukina muri Rayon Sport avuye muri APR kuko nawe urabizi neza ubuzima ubayemo muri APR ntiwabubona muri Rayon harumunsi numwe wigeze ubura ibyo wemererwa ariko induru zihora muri Gasenyi urazizi genda ufatanye nabandi kujya mumara amezi 3mudahembwa mugeze naho mwanga gukina cyokoze wenda uvuye muri za pepeniere wakwifuza gukinira Rayon nuguhangayika byose nikimwe muhungu wacu twabanye neza unagende neza ariko ntugire amagambo urenzaho APR FC tukuri inyuma komeza imihigo

  9. Kagabo

    June 15, 2017 at 12:08 pm

    Yoooo Mbega Papy umbabaje!! Cyakoza niba ukurikiye abafana benshi aho Ni sawa ariko niba ushaka ejo hazaza heza wabanza ugatekereza mbere yo kunjya muri Gasenyi reba Rwigema Yves na Rwatubyaye ibyo gasenyi yabakoreye barabicaje ntanumuntu ukizi niba ari abakinnyi,nibe no muri APR iyo wicaye byibuza ufata amafaranga ahagije yagira icyo akumarira! Njyewe ndumufana wa Police fc n,Inama nakugira !

  10. BGT

    June 15, 2017 at 10:17 pm

    YEWE BOSCO NA KAGABO GIRA UTI GEREZA IBA MURI APR NTAHANDI YAYIBONA NAHO ITERAMBER N’UBUZIMA BWIZA BYO BIREBERE KURI DJAMALI, DJIHAD, MUHADJILI, NA FAUSTIN USENGIMANA.

Ibitekerezo

Your email address will not be published. Required fields are marked *

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock