Rayon Sports iguye miswi na APR FC 0 – 0 – UMUSEKE
RALC Ntibavuga bavuga

Rayon Sports iguye miswi na APR FC 0 – 0

Mu mikino ya Shampiyona y’icyiciro cya mbere mu Rwanda kuri uyu wa gatandatu amakipe yose yanganyije, umukino wari utegerejwe cyane ni uwa Rayon Sports nazo zanganyije n0-0 kimwe na Police FC inganya na Sunrise 1-1.

Ngabo Albert yugarira izamu rye uko ashoboye kose

Abdul Rwatubyaye yugarira izamu rye, yigaragaje cyane muri uyu mukino mu kugarira

Rayon Sports yakinaga idafite umutoza David Donadei wahagaritswe icyumweru ashinjwa kugumura abakinnyi, ariko uyu mugabo yagaragaye yicaye mu bafana, ikipe itozwa na Habimana Sosthene.

Igice cya mbere kihariwe ahanini na Rayon sports yari yanakiriye umukino, byatumye inahusha ibitego bine byari byabazwe, harimo bibiri rutahizamu wayo Davis Kasirye yagerageje ku mashoti ya kure, ndetse n’icyo Kwizera Pierro yahushije asigaranye n’umuzamu Olivier Kwizera wa APR wanigaragaje cyane muri uyu mukino.

Iki gice, abakinnyi bo hagati ku mpande zombi: Yannick Mukunzi na Djihad Bizimana ku ruhande rwa APR FC na Kwizera Pierre na Fabrice Mugheni ba Rayon Sports ntabwo bigaragaje kuko hakoreshwaga impande cyane.

Igice cya kabiri amakipe yombi yagarukanye ishyaka, APR FC nayo iza yiteguye gusatira izamu rya Rayon sports ryari ririnzwe na kapiteni Ndayishimiye Eric Bakame.

Uku gukanira ku mpande zombi byatumye abakinnyi batangira gukinirana nabi, bibyara imvune zikomeye za Issa Bigirimaana na Michel Rusheshangoga ba APR FC. (kugira ngo bagere kuri bus byasabye kubaterura). Aba basore bababye ku buryo bahise basimbuzwa Rutanga Eric na Ntamuhanga Tumaine Tity.

APR FC muri uyu mukino ntabwo yabonye amahirwe menshi yo gusatira, gusa yari ihagaze neza mu bwugarizi bwa Rwatubyaye Abdul na Usengimana Faustin (wavuye muri Rayon). Aba bombi bafatanyije gufata Kasirye Davis na Ndikumana Bodo waje kumusimbura.

Nshuti Dominique Savio wari wahawe umwanya wo gutrangira umukino bwa mbere muri Rayon sports, yigaragaje cyane ku buryo benshi batashye bavuga ko ari we mukinnyi w’umukino.

Rayon Sports yakiriye uyu mukino kuri stade Amahoro

Rayon Sports yakiriye uyu mukino kuri stade Amahoro

Ababanjemo ku mpande zombi:

Rayon Sports: Ndayishimiye Eric Bakame, Niyonkuru Djuma Radju, Irambona Eric, Manzi Thierry, Munezero Fiston, Olivier Sefu, Fabrice Mugheni, Kwizera Pierro, Alexis, Nshuti Dominique Savio, na Kasirye Davis

APR FC: Olivier Kwizera, Rusheshangoga Michel, Ngabo Albert, Usengimana Faustin, Rwatubyaye Abdul, Bizimana Djihad, Yannick Mukunzi, Iranzi Jean Claude, Sibomana Patrick Papy, Faruk Ruhinda, Issa Bigirimana

Mu yindi mikono yabaye none:

Marines 0-0 Espoir FC

Sunrise 1-1 Police FC

Ku Cyumweru, tariki ya 25 Ukwakira 2015

AS Kigali irakirira Kiyovu Sports ku Mumena (Nyamirambo)

Gicumbi FC irakirira Mukura VS i Gicumbi
Etincelles FC irakirira AS Muhanga kuri Tam Tam

Ikipe ya APR FC yabanje mu kibuga

Ikipe ya APR FC yabanje mu kibuga

Umukino wayobowe n'umusifuzi Claude Ishimwe umaze iminsi yigaragaza mu kuyobora imikino ikomeye

Umukino wayobowe n’umusifuzi Claude Ishimwe (wa kane uvuye iburyo) na bagenzi be bamaze iminsi bigaragaza mu kuyobora imikino ikomeye

Abayobozi ba APR FC Gen James Kabarebe na Maj Gen Alex Kagame

Abayobozi ba APR FC Gen James Kabarebe na Maj Gen Alex Kagame

Mayor Abdallah Murenzi na Perezida wa Rayon Denis Gacinya ku ruhande rwa Rayon

Mayor Abdallah Murenzi na Perezida wa Rayon Denis Gacinya ku ruhande rwa Rayon

Umutoza Rubona wa APR FC yari yakereye uyu mukino we wa mbere ukomeye kuri uyu mukeba wa APR FC

Umutoza Rubona wa APR FC yari yakereye uyu mukino we wa mbere ukomeye kuri uyu mukeba wa APR FC

David Donadei uherutse guhagarikwa muri Rayon Sports no gushinja abayobozi bayo ubwambuzi na ruswa yaje kuri uyu mukino

David Donadei uherutse guhagarikwa muri Rayon Sports no gushinja abayobozi bayo ubwambuzi na ruswa yaje kuri uyu mukino

Umukino witabiriwe bigereranyije

Umukino witabiriwe bigereranyije

Mu gice cya mbere umuzamu Kwizera wa APR FC yakoze akazi gakomeye

Mu gice cya mbere umuzamu Kwizera wa APR FC yakoze akazi gakomeye

Yakuyemo imipira ikomeye ya Davis Kasirye na Pierrot Kwizera

Yakuyemo imipira ikomeye ya Davis Kasirye na Pierrot Kwizera

Hagati, Djihad Bizimana aratanguranwa umupira na Davis Kasirye

Hagati, Djihad Bizimana aratanguranwa umupira na Davis Kasirye

Shimwa Dominique Savio wasimbuye akagerageza kwigaragaza

Nshuti Dominique Savio bwa mbere wahawe amahirwe yo kubanzamo yigaragaje cyane anafatwa nkaho ari we ‘homme du match’

Rusheshangoga muri uyu mukino yahababariye cyane

Rusheshangoga muri uyu mukino yahababariye cyane

Photos/UMUSEKE

UMUSEKE.RW

 

Aho dukorera

Kigali - Rwanda
Gasabo - Remera
Sonatube
KG 1 Ave 49

Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Since 2011 - Copyright 2017 UMUSEKE IT Ltd All rights reserved