Rayon Sports yatijwe umukinnyi na Raja Casablanca yo muri Morocco | UMUSEKE

Rayon Sports yatijwe umukinnyi na Raja Casablanca yo muri Morocco

Ukeneye kwamamaza! Gusobanuza! Gutanga amakuru? Hamagara 0788772818

Nyuma y’amaserano y’ubufatanye Rayon Sports yasinyanye na Raja Club Sports izwi nka Raja Casablanca yo muri Morocco, Rayon Sports yamaze kuba isinyisha Umunya-Moroc ukina mu kibuga hagati witwa Ait Lahssaine Ayoub w’imyaka 21, ni umukinnyi uje muri Rayon  Sports nk’intizanyo.

Ait Lahssaine Ayoub ubwo yarimo akinira Raja Cassablanca.

Nk’uko Rayon Sports yabinyujije kuri Twitter yayo, yavuze ko uyu mukinnyi ukiri muto ari uw’ikipe y’abato ya Raja Casablanca, akaba yatijwe iyi kipe mu buryo bujyanye n’amasezerano y’ubufatanye basinyanye.

Ait Lahssaine Ayoub yamaze kuba atizwa Rayon Sports mu gihe cy’umwaka umwe.

Muri Nyakanga 2021, nibwo umuyobozi wa Reyon Sports, Uwayezu Jean Fidele, yagiye mu gihugu cya Morocco gusinyana amasezerano y’ubufatanye na Raja Casablanca. Mu byo bemeraanyijwe harimo no guhanahana abakinnyi.

Ait Lahssaine Ayoub wambaye umupira w’ubururu ari kumwe n’umwe mu bayobozi wa Raja Cassablanca.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT

NKURUNZIZA Jean Baptiste / UMUSEKE.RW

Subiza

Your email address will not be published. Required fields are marked *