RDC: Habonetse imirambo 5 iciye imitwe, harakekwa FDLR ko ariyo yabishe – UMUSEKE

RDC: Habonetse imirambo 5 iciye imitwe, harakekwa FDLR ko ariyo yabishe

Mu ntara ya Kivu ya Ruguru, mu burasirazuba bwa DR Congo habonetse imirambo itanu yaciweho imitwe, hakaba hakekwa umutwe wa FDLR ko ariwo waba warabikoze.

Amakuru y’iyi mirambo ngo yatangiye kuvugwa kuwa kane, ikaba yaratoraguwe ahitwa Kibirizi, agace kari mu bilometero 200 mu majyaruguru y’uburengerazuba bwa Goma, muri Rutshuru.

Arnold Kakule, umuyobozi wa kariya gace yabwiye ibiro ntaramakuru by’Abafaransa “AFP” ko abapfuye baguye mu mirwano hagati y’abahutu b’Abanye-Congo bashinjwa gushyigikira FDLR, ndetse n’amoko y’aba-Nande n’aba-Hunde.

Umukozi uhagarariye Guverineri w’intara ya Kivu ya Ruguru Deo Kamathe yavuze ko abapfuye barimo aba-Nande batatu, n’aba-Hunde babiri kandi ngo baciwe imitwe hifashishijwe imihoro, bakeka ko umutwe wa FDLR ko ariwo waba warabikoze.

Kamathe kandi yatangaje ko kuva kuwa kane hari abantu babiri baburiwe irengero.

Iyi mirwano hagati y’Aba-Nande n’Aba-Hunde barwana n’abahutu bashinja gukorana na FDLR ngo babirukane mu butaka bwabo, kuva uyu mwaka watangira imaze guhitana abantu benshi.

Gusa, abahutu b’Abanye-Congo nabo ngo ntibahakana ko bari gushaka ubutaka bwo guhinga, ariko ngo Aba-Nande bashaka kubabuza uburenganzira bwabo bagenerwa n’itegeko nshinga bwo gutura aho bashaka.

UMUSEKE.RW

4 Comments

  1. Nyirirwanda

    24/11/2017 at 7:53 pm

    Ndabona mu bihugu duturanye batari babona igisubizo cyamoko hagati yabahutu nabatutsi.Bazaze kwigira ku Rwanda.

  2. nike

    24/11/2017 at 8:53 pm

    Erega gucyemura ibibazo byamoko zugutsemba bumwe ahubwo nukubigishako ntanyungu nubwo kongo ibibazo ibiterwa nubutunzi yibitseho.

  3. Kinyakura

    25/11/2017 at 1:37 am

    Uburundi bufite ikibazo cy’amoko hagati yabahutu nabatutsi, RDC nuko cyane cyane muri Kivu.Ikibazo mfite gitandukanye nu Rwanda nuko bo iwabo bitanditse mumarangamuntu.Sinibaza impamvu mu Burundi habaye za jenoside kuva 1972 kugeza ubu.

  4. Muyango

    25/11/2017 at 2:23 am

    Yewe nibari muri Kongo baburirwirengero gusa ndumva FDLR iri henshi kwisi ahubwo isi ifitwe.Siriya,Burundi,Somalia,Kizito Mihigo nawe yigeze kuburirwirengero,Israeli,Russia, nshobora gukoeza urutonde.

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017