Ruhango biteguye cyane umukandida wa RPF, Abandi nabo baratangira… – UMUSEKE

RALC Ntibavuga bavuga

Ruhango biteguye cyane umukandida wa RPF, Abandi nabo baratangira…

Amasaha macye mbere y’uko ibikorwa byo kwiyamamariza umwanya wa Perezida wa Republika bitangira kuri ba kandida bemewe; Habineza Frank, Kagame Paul na Mpayimana Philippe imyiteguro irarimbanyije kuri buri ruhande. Mu ruhango aho umukandida wa FPR azahera hari ibimenyetso bigaragara, aho aba bandi babiri bazahera nta kibigaraza cyane kugeza ubu.

Kuva Rugeramigozi kugera mu Butantsinda ibiti byasizwe ibara ryera

Kuva Rugeramigozi kugera mu Butantsinda ibiti byasizwe ibara ryera

Mu karere ka Ruhango, guhera ku Muhororo na Kirengeri aho bagabanira n’Akarere ka Muhanga kugenda ukagera i Kigoma wambuka mu Butantsinda bwa Kigoma aho bagabanira na Nyanza ibiti byose byasinzwe irangi ryera.

Nta kindi biteguye, ni umukandida wa FPR-Inkotanyi Perezida Paul Kagame ubageraho kuri uyu wa gatanu ari naho ahera ibikorwa bye byo kwiyamamaza.

Umunyamakuru w’Umuseke muri aka gace yatubwiye ko uyu mukandida yiteguwe cyane kuva ku nzego z’umudugudu.

Aravuga ko isoko rya Ruhango ryari kuzarema ejo kuwa gatanu ryimuriwe kuwa gatandatu kugira ngo abashaka guhaha banashaka kujya kumva uyu mukandida batabura amahitamo.

Nyuma ya Ruhango na Nyanza kuri uyu wa gatanu uyu mukandida azakomereza Nyaruguru na Gisagara (15 Nyakanga), Nyamagabe,Huye na Kamonyi (16 Nyakanga), Muhanga na Ngororero(17 Nyakanga).

Bugesera na Kicukiro(19 Nyakanga), Nyarugenge na Rulindo(20), Nyagatare, Gatsibo na Kayonza(22), Kirehe, Ngoma na Rwamagana(23), Rubavu Musanze na Nyabihu(25), Karongi na Rutsiro(26), Nyamasheke na Karongi nanone(27), Rusizi ahantu habiri tariki 28, Burera na Gakenke (30), Gicumbi kuri 31 ahantu habiri, na tariki 02 Kanama mu karere ka Gasabo.

Biteguye umukandida wa FPR ubageraho kuri uyu wa gatanu

Biteguye umukandida wa FPR ubageraho kuri uyu wa gatanu

Abavugizi b’uruhande rw’ishyaka Democratic Green Party of Rwanda rifite umukandida Habineza Frank batangaje ko uyu mukandida ari butangirire kwiyamamaza mu karere ka Rusizi, kuwa gatandatu akazakomereza i Nyamasheke no ku cyumweru muri Kamonyi.

Umunyamakuru wacu muri aka gace ka Rusizi na Nyamasheke aravuga ko nta bikorwa cyangwa imyiteguro idasanzwe bigaragaza ko uyu mukandida azaza kwiyamamariza hano.

 

Philippe Mpayimana nubwo nawe nta bikorwa bidasanzwe biraranga aho aziyamamariza guhera ejo, ariko yatangaje gahunda ndende y’aho aziyamamariza.

Kuri uyu wa gatanu Mpayimana arahera mu Bugesera yiyamamariza kuri centre za; Nyamata, Gashora, Ruhuha na Busoro. Kuwa gatandatu azakomereza mu Ruhango i Ntongwe, ajye n’i Nyanza na Rusatiira.

Ku cyumweru Mpayimana aziyamamariza i Save ku isoko ryo mu Rwanza muri Gisagara, ajye no mu karere ka Huye i Ngoma.

Kuwa mbere utaha aziyamamariza i Kibeho ya Nyaruguru, mu Gasarenda i Nyamagabe akomereze i Kamembe uyu munsi.

Aha muri Rusizi kuwa kabiri aziyamamariza kuri centre za Mushaka, Bugarama ajye i Nyamasheke kuri centre na Mugonero.

Kuwa gatatu afate Karongi i Rubengera, akomereze mu Rutsiro kuri uyu munsi umwe aniyamamarize i Nyamyumba kuri Brasserie muri Rubavu.

Ku itariki 20 aziyamamariza mu mujyi wa Gisenyi no kuri Mahoko akomereze Mukamira na Rambura muri Nyabihu.

Uyu mukandida azakoemereza kuri centre zinyuranye zirimo; Kabaya, Ngororero, Gatumba, Bulinga, Muhanga, Kivumu, Rukoma, Nyabugogo, Kimisagara,mu Biryogo, Gikondo, Kicukiro centre, Remera, Bumbogo, Rukomo, Byumba, Ngarama, Nyagatare, Kabarore, Kiziguro,Gahini, Kayonza, Rusumo, Kirehe, Ngoma, Kabarondo, Rwamagana, Bicumbi, Masaka, Kanombe, Shyorongi, Kirenge, Gasiza, Nyirangarama, Gakenke, Musanze, Kinigi,Kidaho,Kirambo. Biteganyijwe ko azagera aha hose.

Tariki 02 Kanama azasoreza I Nyanza ya Kicukiro Nyanza, ajye i Remera n’i Nyamirambo nimugoroba.

 UMUSEKE.RW

4 Comments

  1. Karangwa

    July 13, 2017 at 10:56 am

    Oyeee oyee oyeeeeeeee, abanyaruhango mwakoze cyane, muhize utundi turere kbsa, uyu ni umwihariko wanyu kabisa. Congratulations to Mbabazi Francois Xavier. Muzehe wacu tuzamutora kuko arashoboye.

  2. uwipau

    July 13, 2017 at 2:05 pm

    Karangwa we, gusiga ibiti ni Leta ibikora, gutora ni abaturage. Kosora ishimire Ubuyobozi bw’Akarere kuko ni gashya bakoze- innovation- mu kuryoshya ibirori!

  3. uwipau

    July 13, 2017 at 2:08 pm

    Nkunda abasaza bose bayoboye commission y’amatora kuko “ils se foutent de la geuele des Occidentaux”, nkongera nkabanenga quality y’itekinika bemera gukora kandi ritaberanye n’Abashungantahe!!

  4. uwipau

    July 13, 2017 at 2:11 pm

    Umuseke, kuki mutanditse ko UE yemeje ko atari ngombwa kohereza indorerezi mu Rwanda, ko bizeye ko ibizava mu matora nta risks bifite ku baturage bacu…nako kuri UE? Muri diplomacy icyo ni ikizere kidasanzwe muri Afrika UE yagaragaje ko ifitiye urwa Gasabo!!

Ibitekerezo

Your email address will not be published. Required fields are marked *

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock