Rwanda: Umubare w'abarwaye coronavirus ugeze kuri 50 - UMUSEKE
  • 05/04/2020 10:30 05

Rwanda: Umubare w’abarwaye coronavirus ugeze kuri 50

*Amakuru mashya ku ndwara ya Covid-19 mu Rwanda.

Kuri uyu wa kane tariki 26 Werurwe, 2020, saa yine z’ijoro Minisiteri y’ubuzima yatangaje ko habonetse abarwayi ikenda bituma umubare ugera ku bantu 50 banduye Coronavirus mu Rwanda.

Batanu baje mu Rwanda bavuye i Dubai, abandi bavuye muri Leta zunze Ubumwe za America n’u Buholande, abandi bantu babiri bandujwe n’abari bazanye icyorezo bagikuye hanze.

Minisitiri w’Ubuzima, Dr Ngamije Daniel yabwiye RBA ko mu gihe cya vuba bashobora gusezerera bamwe mu bari bafashwe na Coronavirus batakigaragaza ibimenyetso bya Covid-19 bakiri mu kato i Kanyinya.

Imibare y’Ishami ry’Umuryango Mpuzamahanga wita ku buzima (OMS) igaragaza ko ku isi  abanduye Coronavirus ari 462,684, abagera ku 120,000 baravuwe barakira, abahitanywe n’indwara ya Covid-19 iterwa n’iriya virus bageze ku 20,834 naho icyorezo ubu kiri mu bihugu 200.

Kuri uyu wa kane Kenya iri mu karere u Rwanda rurimo yatangaje ko umurwayi wa COVID-19  wa mbere yahitanywe nayo, akaba ari umugabo w’Umunya-Kenya w’imyaka 66 yari asanzwe arwaye Diabete.

Yageze mu gihugu ke avuye muri Africa y’Epfo, aca muri Swaziland, ajyanwa mu bitaro bya Agha khan ari na ho yaguye.

UMUSEKE.RW

4 Ni byo bitekerezo bimaze gutangwa

  • Bigaragare ko icyemezo cyo guhagarika indege cyacyerewe. Bayobozi,gukererwa gushyiraho uburyo buhamye bwo kuguma mungo birashyira benshi mukaga. Birakwiye ko amasoko yose ahagarara abantu bose ntanumwe bakaguma mumago. Byaba ngombwa leta itange ibigori. Nahubundi ubuzima buri mukaga ntanuwamenya ngo nabifungiranye bazamara igihe kinganiki

  • Kwa nkurunziza ni nkomuri koreya yaruguru.ntamakuru ahava ya coronavirus.

  • Harya ngo abo banyarwanda bavana ubu burwayi bwa coronavirus i Dubai bakorayo iki muri rusange? Ese bigenda gute ngo boye kwanduza abakozi b’indege zibazana? Kweri ubu abakora mu ndege za Rwandair bo baracyari bazima niba ari zo zijya kubazana?

  • Birashoboka ko aribantu barikuza kwivuriza mu Rwanda kubera ingamba nziza zafashwe zo kwirinda na kuvura byihuse COVID 19. Ese ko ibibuga by’indege byose byafunzwe na Rwandair ikaba yarahagaritse ingendo zayo abo barwayi bashya barikuza bazanwa niki? Ese kuki batagarutse mbere hose leta yacu imaze kuburira abanyarwanda bari hanze ngo batahe kare none baje kutwanduza amazi yarenze inkombe, ese i dubai bakoragayo iki cg babuze uko babaho (wasanga araba komisiyoneri, abicuruzaga nta address bari bahafite bakabirukana bakisanga bayifite aruko bapimwe), njye numva Minisante yajya ivuga amazina yabo bantu tukabirinda nkuko mu mahanga bayatangaza kandi isabe abanyarwanda bari mu mahanga kuguma iyo bari uwanduye ambasade imuvurize yo yifashishije abaganga b’abanyarwanda bazwi babayo bakabitaho sinon abarikuzanwa ubu bazanduza umubare munini w’abantu bitume leta ihura n’ikibazo gikomeye cyo gufasha abantu benshi bashobora kwandura tutibagiwe n’inzara y’igihe kirekire byateza, akazi kagahagarara igihe kinini, ese ko ari mu Rwanda umubare uri kwiyongera cyane mu karere turimo (burundi ntawe cg babujijwe gutahuka bakurikiza amategeko, TZ nibakeya, Ug nuko, south sudani reka da, iyaruguru shwida…… RDC nu Rwanda menya bagira abantu baba hanze benshi bagiye kuryosha (tourism) batateganyije ibya insurance life mu bihugu bagiyemo, icyifuzo nuko Leta yacu yasezerera bariya banyeshyuri bari kugorerwa muri Iwawa Center ikajyanayo abarwayi ba COVID 19 kuko biragaragara ko n’ihashira ukwezi tuzana abava dubai nkuko babivuga tuzagera ku mubare munini uzatuma tugira abarwayi benshi bashobora kuzanduza abandi gusa amahirwe nuko bacakirirwa kuri airport i kanombe mu mibare kuva tariki ya 8/3/ kugera ubu – 26/3/ 2029: 50 cases confirmés muri 19 jours mu byumweru bibiri birengaho ni benshi ubwo nyuma y’ukwezi bashobora kwikuba kabiri cg gatatu bitewe n’abazaza bava hanze baramaze kwandura, gusa hakwiye gukorwa isesengura nyaryo zirigutuma biyongera n’ ingamba zikomeye kwaba ba diaspora bazanwa baturutse iyo za dubai , USA muri yi minsi tutazashiduka n’abanyamahanga baprofita kwivuriza mu Rwanda gusa byaba byiza abari hanze yigihugu bagumyeyo bakivurizayo hakazanwa gusa ababa baroherejwe mu butumwa bwa kazi baba bahuye n’ubwo burwayi naho abijyanye ku giti cyabo bamwe baragiye no kuryoshayo bareke guhambwa leta ngo ibazane tureke kugendera ku bihugu biri developed bitumiza abaturage babyo ngo nibatahe. Twirinde koranovirus dukaraba dukoresheje amazi meza n’isabuni, tureke guhanahana ibiganza, tureke ingendo zitari ngombwa, tugume mu rugo , tunakurikiza amabwiriza n’ingamba za Minisante, ubundi dusenge cyane kugira abahanga babone umuti byihuse

Subiza

Your email address will not be published. Required fields are marked *