Syria: U Burusiya bwashinje inyeshyamba zirwanya Assad kugira intwaro z’ubumara – UMUSEKE
RALC Ntibavuga bavuga

Syria: U Burusiya bwashinje inyeshyamba zirwanya Assad kugira intwaro z’ubumara

Nyuma y’igitero cyahitanye abaturage benshi biganjemo abana muri Syria, U Burusiya bwatangaje ko intwaro z’ubumara zakoreshejwe n’inyeshyamba zirwanya Bashar al-Assad.

Abana biganje mu bapfiriye muri iki gitero

Minisiteri y’Ingabo mu Burisiya yemeje amakuru y’uko ingabo za Leta ya Syria zakoresheje indege z’intambara mu kugaba ibitero mu mujyi wa Khan Sheikhoun  mu Ntara ya Idlib.

U Burusiya buvuga ko ibitero by’indege byasenye uruganda rukora ibisasu bitegwa mu butaka (mines) hifashishijwe uburozi, bikaba bijyanwa muri Iraq.

America n’abandi badashyigikiye ubutegetsi bwa Syria, bemeza ko indege z’intambara za Syria zarashe intwaro z’ubumara ariko Leta ya Assad irabihakana.

Umunyamabanga wa Leta w’Ubwongereza ushinzwe Ububanyi n’Amahanga, Boris Johnson yanyomoje ibiri mu itangazo ry’U Burusiya.

Ati: “Ibimenyetso byose bigaragaza ko ibyabaye byakozwe n’ubutegetsi bwa Assad… burakoresha intwaro zitemewe ku baturage babwo.”

Umuryango ukorera mu Bwongereza wita ku burenganzira bwa muntu muri Syria, Syrian Observatory for Human Rights watangaje ko umubare wabapfiriye mu gitero cy’intwaro z’ubumara mu mujyi wa Khan Sheikhoun ari 72, muri bo 20 ni abana.

Akanama k’Umutekano ku Isi, karaza guterana kiga kuri iki kibazo.

BBC

UMUSEKE.RW

Ibitekerezo

Your email address will not be published. Required fields are marked *

Aho dukorera

Kigali - Rwanda
Gasabo - Remera
Sonatube
KG 1 Ave 49

Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Since 2011 - Copyright 2017 UMUSEKE IT Ltd All rights reserved