Tanzania: Abanduye Coronavirus mu minsi ibiri biyongereyeho abantu 84 - UMUSEKE
  • 01/06/2020 2:49 20

Tanzania: Abanduye Coronavirus mu minsi ibiri biyongereyeho abantu 84

Leta ya Tanzania yatangaje ko abantu 84 mu Ntara zitandukanye za kiriya gihugu basuzumwemo Coronavirus mu minsi ibiri kuva tariki 18 kugeza none tariki 20 Mata, bakaba barimo 16 batangajwe n’inzego z’Ubuzima mu Birwa bya Zanzibar.  Abanduye muri rusange Leta ya Tanzania ivuga ko bagera kuri 254.

Kuri uyu munsi tariki 20 Mata, 2020 Leta ya Zanzibar yasohoye itangazo rivuga ko abanduye Coronavirus bamaze kuba 74 bavuye kuri 58. Iyo mibare uyiteranyije n’iyo muri Tanzania usanga abanduye bamaze kuba 28

Itangazo rya Minisiteri y’Ubuzima muri kiriya gihugu, rivuga ko Umugi wa Dar es Salaam muri iyi minsi ibiri abanduye ari 33, ndetse rikagenda rivuga muri buri Ntara umubare w’abarwayi banduye coronavirus.

Kuri uyu wa mbere Visi Perezida w’Inteko ishinga amategeko ya Tanzania, Dr Tulia Ackson yavuze ko hari umwe mu Badepite wanduye Coronavirus, ngo yari yakoreye indendo i Dar es Salaam.

Perezida wa Tanzania John Pombe Magufuli yakunze kunengwa gushyira imbere amasengesho muri iki gihe hari Coronavirus, aho gufata ingamba nk’iz’ibindi bihugu, zirimo gufunga imipaka no guhagarika urujya n’uruza rw’abaturage.

Mu Mugi wa Dar es Salaam hatangiye zimwe mu ngamba zo gutegeka abacuruzi kwambara udupfukamunwa, ndetse no gusaba abagura kutwambara no gushyira intera hagati y’umuntu n’undi, banagabanyije amasaha utubari dukora.

Muri Tanzania Coronavirus imaze guhitana abantu 10, abandi 11 baravuwe barakira nk’uko bitangazwa na Worldometer.info.

 

UMUSEKE.RW

2 Ni byo bitekerezo bimaze gutangwa

  • Ese kuki ibihugu byose bigize AU bidafata ingamba zimeze kimwe mu rugamba rwo kurwanya coronavirus?
    Hari ibihugu bimwe bya Afurika bitarigiha agaciro ingamba n’amabwiriza yatanzwe na OMS yo kujya muri quarantine kandi nta bushobozi bafite buhagije, nka bayobozi bakuru ba Tanzania bari kwizera cyane amasengesho bakirengagiza ko no mu bitaliyani ariho habarizwa icyicaro gikuru cya Catholic Church (Vatican) aho Nyirubutungane papa francis asoma misa ntaba kirisitu bahari kubera ingamba zafashwe za lockdown. Magufuli aramutse ashizeho gahunda ya gumamurugo byabafasha guhangana no kurwanya icyo cyorezo naho ubundi two weeks muzirebera uburyo abaturage babo bazahura nikibazo gikomeye cyo kwanduzanya batabizi kandi abayobozi babo barabigizemo uburangare. Twirinde coronavirus tuguma murugo kugeza tariki 30/4/2020 kandi dukurikiza amabwiriza ya minisante,

  • Ino mibare sinyishira amakenga. Igaragaza abanduye gusa n’abatashye. Ubuse ntawe urapfa? Cyangwa wa mugani wa boss, byose ni politiki?

Subiza

Your email address will not be published. Required fields are marked *