Tanzania: Yashyize itangaza imibare y’abanduye Coronavirus | UMUSEKE

Tanzania: Yashyize itangaza imibare y’abanduye Coronavirus

Mu gihe gisaga umwaka wose muri iki gihugu havugwa Coronavirus, hongeye gutangazwa imibare y’abanduye Coronavirus.

Perezida Samia yavuze ko abantu 70 bari kongererwa umwuka mu bitaro

Perezida Samia Suluhu Hassan yavuze ko muri iki gihugu abagera kuri 70 bari kwitabwaho mu bitaro aho bari kongererwa umwuka wa oxygen.

Perezida Samia amaze amezi arenga atatu nyuma yo gusimbura Dr John Magufuli watabarutse muri Werurwe 2021.

Nyakwigendera Magufuli yakunze kumvikana avuga ko  nta Coronavirus iri muri iki gihugu.

Muri Gicurasi umwaka ushize, Tanzania yahagaritse gusohora imibare y’icyorezo, ubwo habarurwaga abantu 509 banduye.

Perezida  Samia yasabye abaturage kubahiriza ingamba zose hagamije gukomeza kwirinda Coronavirus.

Yasabye abantu bose kugira uruhare mu kurwanya icyorezo, asaba buri muryango wose kwirinda wubahiriza ingamba zashyizweho.

Avuga ko  hari imibare y’abanduye Coronavirus cyane ku batuye hafi y’imipaka y’iki gihugu.

REBA YouTube Channel UMUSEKE TV video nziza nk’iyi. UKORA LIKE SHARE na COMMENT 

TUYISHIMIRE Raymond / UMUSEKE.RW

Subiza

Your email address will not be published. Required fields are marked *