Tanzania yemeje ko umugore uvuye mu Bubiligi yapimwemo Coronavirus - UMUSEKE
  • 05/04/2020 10:29 13

Tanzania yemeje ko umugore uvuye mu Bubiligi yapimwemo Coronavirus

Yahageze tariki 15 Werurwe yageze ku kibuga k’indege arasuzumwa basanga nta kimenyetso k’iyi ndwara afite. Kuri uyu wa Mbere taliki 16, Werurwe, 2020 nibwo Minisiteri y’ubuzima muri Tanzania yasohoye itangazo rivuga ko uyu mugore yatangiye kugaragaza ibimenyetso ageze muri hoteli ahagana saa yine z’ijoro ryakeye.

Corona virus yabaye icyorezo cyugarije isi

Uyu mugore bivugwa ko yavuye Tanzania tariki 3Werurwe 2020, ajya mu Bubiligi, hagati ya tariki 5-13 Werurwe 2020 yasuye Suede na Denmark mbere yo gusubira mu Bubiligi.

Leta ya Tanzania ivuga ko uriya muntu arimo yitabwaho kandi ameze neza.

Ni we muntu wa mbere ugarayeho iyi ndwara muri Tanzania.

Coronavirus imaze kugera mu bihugu birenga 20 muri Africa, ndetse ni icyorezo gihangayikishije isi.

UMUSEKE.RW

Subiza

Your email address will not be published. Required fields are marked *