U Rwanda na Cap Vert byasinye amasezerano ku ngendo z’indege – UMUSEKE

U Rwanda na Cap Vert byasinye amasezerano ku ngendo z’indege

Minisiteri y’ibikorwa remezo yatangaje uyu munsi ko u Rwanda na Cape Verde byasinye amasezerano y’ubufatanye mu by’ubwikorezi mu kirere (Bilateral Air Service Agreement/ BASAs), abaye amasezerano ya 62 ya BASA u Rwanda rugiranye n’ikindi gihugu.

Umunyamabanga wa Leta ushinzwe ubwikorezi Jean de Dieu Uwihanganye na Jose da Silva Goncalves Minisitiri w’ubukungu n’umurimo wa Cape Verde bamaze gusinya amasezerano

Umunyamabanga wa Leta ushinzwe ubwikorezi Jean de Dieu Uwihanganye na Jose da Silva Goncalves Minisitiri w’ubukungu n’umurimo wa Cape Verde bamaze gusinya amasezerano

Aya masezerano yasinyiwe i Abuja n’Umunyamabanga wa Leta ushinzwe ubwikorezi Jean de Dieu Uwihanganye uhagarariye Guverinoma mu nama ya World Aviation Forum 2017 iri kubera Abuja muri Nigeria.

Uwihanganye avuga ko aya masezerano afunguye andi mahirwe kuri Rwandair n’abikorera mu Rwanda mu kwagura ubucuruzi bwabo no mu bindi bihugu bya Africa.

Muri iyi nama kandi uyu munyamabanga wa Leta yanasabye andi masezerano ya BASA na Nigeria azasinywa mu byumweru bizaza i Kigali, aya akazatuma umujyi wa Abuja nawo uha ikaze Rwandair guhera muri Mutarama 2018 kuko ubu igwa Lagos gusa.

U Rwanda rusanganywe amasezerano agera kuri 60 mu by’ubwikorezi bw’indege muri yo 24 ruyafitanye n’ibihugu bya Africa andi n’ibyo hanze ya Africa.

Minisiteri y’ibikorwa remezo ivuga ko ibi ari umuhate mwiza wa Guverinoma wo gufungura inzira y’ikirere no koroshya ubucuruzi muri Africa no hanze yayo.

Muri iyi nama ya  World Aviation Forum 2017 Dr. Olumuyiwa Bernard Aliu umuyobozi w’inama y’Umuryango Mpuzamahanga w’iby’indege za gisiviri (International Civil Aviation Organization,ICAO) yashimye u Rwanda gushyira umuhate mu kuzuza ibipimo mpuzamahanga mu bw’ikorezi mu kirere bishyirwaho na ICAO.

Ibingo byagaragajwe n’igenzura rya Universal Safety Oversight Audit Program ryahaye u Rwanda amanota 71.93%.

Dr. Olumuyiwa avuga ko ari intambwe itangaje kuko mu 2007 u Rwanda rwari rufite amanota 21% na 44% mu 2012.

Iri genzura rikorerwa ibice umunani mu kureba neza ubuziranenge mu by’ingendo zo mu kirere mu gihugu.

Mu gushimira iyi ntambwe y’ubwikorezi mu ndege mu Rwanda umuyobozi wa ICAO yemeye kwiyizira ubwe mu Rwanda agashyikiriza Perezida Paul Kagame ‘certificate’ ya ICAO y’u Rwanda.

Abayobozi ku mpande zombi baganira iby'aya masezerano

Abayobozi ku mpande zombi baganira iby’aya masezerano

UMUSEKE.RW

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock