Umubare w’abamaze guhitanwa na Covid-19 ugeze kuri 470 | UMUSEKE

Umubare w’abamaze guhitanwa na Covid-19 ugeze kuri 470

Ministeri y’Ubuzima yatangaje ko abantu batanu bishwe na Covid-19, abanduye bashya bagera kuri 889 ku munsi umwe. Ubwandu bukomeje kwiyongera abarwaye ni 14 509.

Abapfuye ni abagore babiri b’imyaka 67 na 36 n’abagabo batatu b’imyaka 63, 58 na 32 biguye i Kigali. Muri rusange abamaze guhitanwa n’icyorezo ni 470 kuva kigeze mu Rwanda muri Werurwe 2020.

Ku munsi umwe handuye abagera kuri 889 bituma umubare w’abanduye bose ugera ku 42 585, abavuwe barakira ni 27 606 kuri iki Cyumweru nta muntu n’umwe wakize.

Uko Uturere duhagaze mu bijyanye n’ubwandu bwabonetse

Umubare w’abitabwaho n’abaganga wazamutse cyane ugeze ku bantu 14 509, muri bo 61 bararembye.

Abantu 251,475 bamaze guhabwa doze ya kabiri y’urukingo rwa COVID19 (AstraZeneca) barimo 14 bayihawe uyu munsi. Abakingiwe bose ni 391 954 barimo 66 bakingiwe mu masaha 24 ashize.

Mu ijambo rye rijyanye n’Umunsi wo Kwibohora Perezida Paul Kagame yasabye Abaturarwanda gukaza ingamba zo kwirinda Covid-19.

Ati “Uyu mwaka ntitwashoboye kwizihiza isabukuru yo kwibohora uko bisanzwe, ni na yo mpamvu tugomba gukomeza urugamba rwo kurwanya ubwiyongere bwa Covid-19 muri iki gihe. Ubu ni ngombwa cyane ugereranyije n’ibihe byatambutse gukurikiza inama zishyirwaho na Minisiteri y’Ubuzima n’ibindi bigo hagamijwe gukumira ikwirakwira ry’icyorezo cya Covid-19 no kurokora ubuzima bw’Abanyarwanda.”

REBA YouTube Channel UMUSEKE TV video nziza nk’iyi. UKORA LIKE SHARE na COMMENT 

UMUSEKE.RW

1 Rikumbi nicyo gitekerezo kimaze gutangwa

  • Mu ngamba Leta yafashe zo guhashya COVID, iyo kuraza muri za stades abantu barengeje amasaha yo kugera mu ngo zabo cyangwa abambaye nabi agapfukamunwa, mba nibaza niba ababikora bazi ko abo bantu barazwa hariya hantu imibu irara ibarya, ku buryo bizongera cyane malaria mu gihugu, kandi ari yo ndwara yari isanzwe yica abantu benshi kurusha izindi ndwara zose mu gihugu. Niba kiriya cyemezo cyarafashwe MINISANTE ibigizemo uruhare, nyihaye amanota 0/100.

Subiza

Your email address will not be published. Required fields are marked *