Umubare w’abishwe na Covid-19 ugeze kuri 280 abanduye bashya ni 43 | UMUSEKE

Umubare w’abishwe na Covid-19 ugeze kuri 280 abanduye bashya ni 43

Minisiteri y’Ubuzima yatangaje ko yihanganishije imiryango y’abantu bane bishwe na Covid-19 i Kigali, umubare w’amaze gupfa ugeze kuri 280, abanduye bashya ni 43.

 

Abapfuye ni umugore w’imyaka 63 n’abagabo batatu b’imyaka 89, 75 na 62.

Nyuma yo y’ubwandu bushya bw’abantu 43, abanduye bose ni 20,186, abakize bashya ni 66, abakize bose ni 18,566.

Abakirwaye bagera kuri 1,340 barimo abarembye 12.

Abakingiwe bashya ni 3,911, byatumye umubare w’abamaze gukingirwa kuva ku wa 05/3/2021 ugera ku 257,449.

Minisiteri y’Ubuzima yatangaje ko kuri iki cyumweru hakingiwe Abashoferi b’amakamyo na bus bagera kuri 750 urukingo rwa COVID-19 baruherewe mu Mujyi wa Kigali kuri Stade Amahoro.

Kuri iki Cyumweru kandi hanakingiwe abakozi bakorera  ibigo bicunga umutekano byigenga. Abagera ku 1,500 bakaba bakingiriwe muri Kigali Arena.

Abanyerondo 2,000 baturutse mu bice bitandukanye by’Umujyi wa Kigali na bo bahawe urukingo rwa COVID-19 i Gikondo ahabera imurikagurisha.

Ku wa Gatandatu tariki 13 Werurwe 2021 abantu 4,464 bakingiwe COVID-19 i Kigali.

REBA YouTube Channel UMUSEKE TV video nziza nk’iyi. UKORA LIKE SHARE na COMMENT 

UMUSEKE.RW

1 Rikumbi nicyo gitekerezo kimaze gutangwa

Subiza

Your email address will not be published. Required fields are marked *