Umugore n’umugabo bishwe na Covid-19, abanduye bashya ni 328 abakize ni 101 | UMUSEKE

Umugore n’umugabo bishwe na Covid-19, abanduye bashya ni 328 abakize ni 101

Minisiteri y’Ubuzima yatangaje ko umugabo w’i Kigali w’imyaka 63 n’umugore w’imyaka 57 w’i Nyamagabe bishwe na Covid-19 kuri iki Cyumweru tariki 24 Mutarama 2021.

Umubare w’abahitanywe n’icyorezo kuva cyagera mu Rwanda ugeze ku bantu 174.

Abanduye bashya bagera kuri 328 barimo ab’i Kigali 246. Ibi bibaye nyuma ya gahunda yo gupima mu Tugari twose tw’Umujyi abari hejuru y’imyaka 70 n’abafite indwara zidakira harebwa uko ubuzima bwabo buhagaze, igikorwa cyabaye ku wa Gatandatu tariki 23 Mutarama 2021.

Ubundi bwandu bwagaragaye i Gatsibo 13, Rulindo 11, Kirehe 9, Gakenke 8, Karongi 6, Musanze 6, Nyagatare 5, Ruhango 5, Rubavu 4, Huye 3, Muhanga 3, Ngoma 3, Gicumbi 2, Kamonyi 1, Nyamasheke 1, Nyanza 1, na Rwamagana 1.

Ubwandu bwa Coronavirus ku isi, abanduye bageze kuri miliyoni 99.6, abamaze gupfa ni miliyoni 2.1 mu gihe abavuwe barakira ari miliyoni 71.6 nk’uko bitangazwa n’urubuga Worldometer.info.

Subiza

Your email address will not be published. Required fields are marked *