Umunsi w’amavuko wa Mugabe wagizwe ‘congé muri Zimbabwe – UMUSEKE

Umunsi w’amavuko wa Mugabe wagizwe ‘congé muri Zimbabwe

*Agiye guhabwa Miliyoni $10 z’imperekeza

Bitandukanye n’uko abandi bakuru b’ibihugu bahirikwa ku butegetsi bibagendekera, Robert Mugabe we abamwigijeyo baracyamuha icyubahiro gikomeye, ubu ubutegetsi bushya bwagize umunsi Mugabe yavutseho (21 Gashyantare) umunsi w’Urubyiruko (National Youth Day) uhita unagirwa ikiruhuko mu gihugu hose.

Perezida Mugabe ntazibagirana mu ijambo aherutse kuvugira muri UN akifatira ku gahanga Donald Trump amugaya cyane gutera isi ubwoba

Perezida Mugabe ntazibagirana mu ijambo aherutse kuvugira muri UN akifatira ku gahanga Donald Trump amugaya cyane gutera isi ubwoba

Bikubiye mu byasohotse mu igazetiya Leta yasohotse kuwa gatanu nk’uko bitangazwa n’ikinyamakuru cya Leta The Herald.

Mu itegeko ryemeza uyu munsi havugwamo ko uyu munsi habujijwe gukora Business kugira ngo hizihizwe uyu munsi wiswe “Robert Gabriel Mugabe National Youth Day.”

Uyu munsi wari watangiye gusabwa cyane ko ugirwa ikiruhuko ukitirirwa Mugabe mu kwezi kwa munani uyu mwaka, byasabwaga n’urubyiruko rwo mu ishyaka Zanu-PF.

Mugabe muri Zimbabwe ni intwari y’ubwigenge iruta izindi zose mu gihugu.

Ubwo Emmerson Mnangagwa Perezida mushya wa Zimbabwe yarahiraga kuwa gatanu mu ijambo rye yavuze ko Robert Mugabe azakomeza kubahwa no gushimirwa nk’umw emu bashinze bakanayobora Zimbabwe.

Yagize ati “Njye ubwanjye azaguma kuba umubyeyi, ikitegererezo, umusangirangendo mu rugamba n’umuyobozi wanjye.” Arongera ati “twese turamushima ku buryo amateka yacu azamuha umwanya wihariye akwiriye nk’umubyeyi w’iki gihugu.”

We n'umugore we Grace bagiye guhabwa imperekeza itubutse

We n’umugore we Grace bagiye guhabwa imperekeza itubutse

Umwe mu bategetsi bakomeye muri Zanu-PF yavuze kuri iki cyumweru ko Robert Mugabe agiye guhabwa imperekeza ya Miliyoni 10 z’Amadorari nk’uko bivugwa na RFI.

Miliyoni eshanu ngo zirahita zishyirwa kuri Konti ye vuba aha ndetse azanakomeze guhembwa $150 000 ku mwaka kugeza apfuye, nyuma y’urupfu rwe umugore we Grace ngo azajya ahabwa kimwe cya kabiri cy’uyu mushahara kugeza nawe apfuye.

Guverinoma yiyemeje kandi kujya ivuza ku buntu uyu mukambwe w’imyaka 93,  ndetse no kumwishyurira ingendo  zose yagirira mu mahanga.

Mugabe akunda kujya kwivuza inshuro nyinshi mu mwaka muri Singapore.

Bazajya bamwishyurira umutekano n’ibindi byangombwa byinshi akenera. Azakomeza gutura kandi mu nzu y’umukuru w’igihugu muri Zimbabwe (Blue Roof) mu gace ka Borrowdale i Harare, inzu ifite agaciro ka miliyoni $10.

Ibi agiye guhabwa ariko byatumye hari abaturage ba Zimbabwe bavuga ko bikabije  mu gihugu aho umushoferi wa Taxi yinjiza $200 ku kwezi.

Bagaya cyane ko yahawe akayabo kandi akazanakomeza guhembwa amafranga menshi , ndetse ngo bakababazwa no kuba bazakomeza guhemba Grace Mugabe umugabe we atakiriho ngo kuko babona nta n’iminsi asigaranye.

Abaturage benshi ba Zimbabwe bafata Grace nk’umugore wasesaguye umutungo munini w’igihugu mu bintu by’agaciro k’umurengera harimo no kwirimbisha ubwe.

UMUSEKE.RW

3 Comments

  1. ZAGABE

    27/11/2017 at 10:58 am

    This is injust and foolish.Iyi si irwarwaye.Nubwo Mugabe ari we watsinze abazungu,amaze gufata ubutegetsi yakoze ibintu byinshi bibi.Yishe abantu barenga 20 000 bo mu bwoko bwa Ndebele,atonesha bene wabo n’abo bafanyije kurwana,kandi we n’umugore we basahura igihugu ku buryo bakize cyane mu gihe abashomeri ari 90%.
    Uwamusimbuye,niwe bafatanyije kwica abo mu bwoko bwa Ndebele kuko yari Maneko mukuru kandi akaba Minister of security.Ibintu bibera muli Africa biteye agahinda.

  2. Joy

    27/11/2017 at 11:32 am

    Ibi bintu ni byiza cyane . Amakose make Mugabe ashobora kuba yarakoze mu iri myaka ya nyuma ntikuraho ibyiza byinshi yakoreye Zimbabwe. Yashatse kuyiha ijambo no kuriha abanyazimbabwe, yemera ko ubwigenge nyabwo busaba ikiguzi: ihungabana ry’ubukungu,kuba ruvumwa mu maso y’ibihugu byo mu Burengerazuba bw’isi, …..
    Ari muri bacye bavugaga ijambo rirengera Afurika mu ruhando Mpuzamahanga. Mu minsi ishize ijambo yavugiye muri ONU(aho yasabaga Mr Trump gufata “tropmpette” ye (umwirongi), agatera indirmbo z’amahoro, ubufatanye n’iterambere mu bihugu bigize ONU aho gukangisha kurimbura Korea) rizahora ryibukwa. Ça doit être son testament.
    Nshimiye abanyazimbabwe ubushishozi bagaragaje ku kibazo cy’uyu mukambwe. Imzn ibajye imbere.
    Abaperezida benshi ntibaba bemera 100% ibyo uwo basimbuye yakoze, ariko bubaha umurage w’igihugu. Bibere urugero ibihugu byinshi bya Afurika. Burya ngo ugaya imfura z’iwabo………

  3. Mpiranya

    28/11/2017 at 1:35 pm

    Abanyazimbabwe barasobanutse kbsa!iri ryagombye kuba isomo muri Africa

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock