Umuntu wa mbere hanze ya Aziya yahitanywe na Coronavirus - UMUSEKE
  • 04/04/2020 2:04 00

Umuntu wa mbere hanze ya Aziya yahitanywe na Coronavirus

*No muri Africa Novel coronavirus yahageze

Mukerarugendo ukomoka mu Bushinwa yapfiriye mu Bufaransa azize icyorezo cya Novel coronavirus, ni we wa mbere uguye hanze y’umugabane wa Aziya.

Abantu bagirwa inama yo kugira isuku y’intoki, kudasuhuzanya mu biganza, no kwisuzumisha kare ugize ibimenyetso bidasanzwe byo guhumeka nabi

Nyakwigendera ni umugabo w’imyaka 80 akomoka mu Ntara ya Hubei mu Bushinwa ari naho coronavirus yatangiriye nk’uko byemejwe na Minisitiri w’Ubuzima mu Bufaransa, Agnès Buzyn.

Yageze mu Bufaransa tariki 16 Mutarama ashyirwa mu kato mu Bitaro by’i Paris tariki 25 Mutarama.

Abantu batatu bazize coronavirus hanze y’Ubushinwa, umw emuri Hong Kong, muri Philippines no mu Buyapani.

Coronavirus imaze kwica abagera ku 1,523 hafi yabose bapfiriye mu Bushinwa, cyane mu Ntara ya Hubei. Kuri uyu wa gatandatu inzego z’ubuzima mu Bushinwa zemeje ko hari abandi bantu 143 bishwe n’iriya ndwara bituma imibare izamuka.

Imibare y’abantu bashya 2,641 biyongereye kubandi banduye Coronavirus bituma abanduye mu Bushinwa bagera ku 66,492.

Umuryango wita ku Buzima ku Isi, OMS waburiye ibihugu byose ku Isi kwitegura ko bishobora kugerwamo n’iki cyorezo cya Coronavirus.

Muri Africa, umuntu wa mbere wanduye Coronavirus yayisuzumwemo mu Misiri.

BBC

UMUSEKE.RW

Subiza

Your email address will not be published. Required fields are marked *