Umunyarwanda Young Jally uba muri USA yasohoye indirimbo yitwa Kide – UMUSEKE
  • 26/09/2020 6:09 12

Umunyarwanda Young Jally uba muri USA yasohoye indirimbo yitwa Kide

Tuyambaze Innocent ukoresha amazina ya Young Jally mu muziki yasohoye indirimbo nshya yise ‘Kide’ avuga ko ashaka gukora cyane akamenyekana mu Rwanda nubwo atuye muri Leta Zunze Ubumwe za Amerika.

Young Jally avuga ko nubwo muri USA ariko yifuza kwigarurira imitima y’ab’i Rwanda

Young Jally ni umusore w’imyaka 18 yavuye mu Rwanda mu 2012 yerekeza muri Leta Zunze Ubumwe za Amerika kuhatura hamwe n’umuryango we. Ubu atuye muri Leta ya South Dakota.

Uyu musore ukora umuziki wa kinyafurika ‘Afro beat’ yasohoye indirimbo nshya yitwa “Kide.”

Iyi ndirimbo ye ni iy’urukundo aba avuga ku mukobwa bakundana akamuha umwanya amwitaho uko abishaka.

Izindi ndirimbo yakoze, harimo iyitwa ‘Ni wowe’ yakoranye na Amag The Black, ‘Burundu’, ‘Ubaye uwanjye’ n’izindi. Ubu amaze gushyira hanze indirimbo zigera kuri esheshatu, iya mbere yayikoze muri 2018.

Avuga ko intego ye ari ugukora cyane kandi agaha Abanyarwanda ibihangano byiza bizatuma nawe bamumenya.

Ati “Gukora umuziki ntuye USA ntabwo ari ibintu binyorohera kuko abamfasha benshi bose baba bari mu Rwanda gusa kuko nshaka gutera imbere izo nzitizi ndazihanganira.”

Muri gahunda zindi avuga ko ateganya gukorana n’abahanzi batandukanye bo mu Rwanda byumwihariko Abaraperi.

Iyi ndirimbo ye nshya yatunganyijwe na Producer Evydecks, amashusho yayo akorerwa muri Amerika.

UMUSEKE.RW

1 Rikumbi nicyo gitekerezo kimaze gutangwa

  • Abasitare bo mu Rwanda baba bashaka kujyan’umuziki wabo hanze yarwo none n’abari muri Amerika barimo kurota kuzagez’imiziki yabo mu Rwanda. Umugani wa Teacher Mpamire, the confuser is the confusee. Who is confusing who? Ni urwenya rwose. Lol

Subiza

Your email address will not be published. Required fields are marked *