Yemen: Inyeshyamba zatangaje ko zishe uwari Perezida Ali Abdullah Saleh – UMUSEKE

Yemen: Inyeshyamba zatangaje ko zishe uwari Perezida Ali Abdullah Saleh

Inyeshyamba z’abislamu bo mu bwoko bw’aba-Shia zitwa “Houthi cyangwa Ansar Allah (Supporters of God=abashyigikira Mana)” zifite igice kinini nazo ziyoboye muri Yemen zatangaje ko zahitanye Ali Abdullah Saleh wabaye Perezida wa mbere wa Yemen mu mpera z’icyumweru gishize.

Ali Abdullah Saleh wayoboye Yemen imyaka 22 ngo yaba yaraguye mu mirwano hagati y'inyeshyamba yari ayoboye.

Ali Abdullah Saleh wayoboye Yemen imyaka 22 ngo yaba yaraguye mu mirwano hagati y’inyeshyamba yari ayoboye.

Ali Abdullah Saleh ubusanzwe yakoranaga n’izi nyeshyamba ndetse yazifashije gufata umurwa mukuru Sana’a zari zarananiwe gufata ku butegetsi bwe kuva mu myaka ya za 90 zimurwanya. Byaje gutuma, Perezida Abdrabbuh Mansur Hadi wamukurikiye ahunga.

Mu mpera z’icyumweru gishize, Saleh yari yitandukanyije n’inyeshyamba z’aba-Houthi ngo bapfa kutumvikana ku ugomba kuyobora umusigiti mukuru w’o mu mujyi wa Sana’a ufitwe n’inyeshyamba.

Uku gutandukana byarakaje inyeshyamba, ndetse zibifata nko kuzigambanira. Mu mashusho n’amafoto izi nyeshyamba zanyujije mu binyamakuru ndetse n’imbuga nkoranyambaga bakorana, aragaragaza ishusho y’umutu usa na Saleh ndetse humvikanamo abarwanyi b’aba-Houthi bishima bavuga ko “bihoreye ku mugambanyi”.

Reba amashusho yashyizwe hanze na “Al Arabiya TV” agaragaza uburyo uwo bita Saleh yagaraguzwaga agati n’inyeshyamba

Aba-Houthi bavuze ko Saleh bateze igico imodoka ze bazimishaho ibisasu n’urufaya rw’amasasu, muri iki gitero ngo niho yaguye.

Teveviziyo yitwa “Al Arabiya TV” yatangaje ko ishyaka rya Saleh ryitwa “General People’s Congress” naryo ryemeje ko yapfuye.

Saleh ufite ipeti ry’ikirenga mu gisirikare cya Yemen rya “Field Marshal” kubera ubuhanga yagaragaje mu gisirikare kuva ari muto, yavutse mu 1942.

Nyuma yo kwishyirahamwe kwa Yemen yepfo n’iya ruguru, Saleh yabaye Perezida wa mbere wa Yemen yunze ubumwe mu gihe cy’imyaka irenga 22 (1990-2012), ariko yenayoboye Yemen ya ruguru kuva mu 1978 kugera mu 1990.

UMUSEKE.RW

4 Comments

  1. Magayane

    04/12/2017 at 4:34 pm

    Abayislamu nibareba nabi, barashirira ku icumu bamaranye ubwabo. N’ibitero by’iterabwoba bikorwa n’abahezanguni babo, ubu byibasira abayislamu ku kigero kirenga 95%. Intambara bariho barwana, zose ziri hagati yabo, abazungu bakajya gushyiramo akunyu n’urusenda n’amavuta nta mususu. Abayuslamu nibakanguke bamenye ko Satani irusha ingufu abana b’abantu. N’iyo bagiye kuyitera amabuye aho bayubakiye icyicaro i Maka, barahashirira buri gihe, kandi bagakomeza kubikora.

  2. Kababaro

    04/12/2017 at 10:43 pm

    Kwicana gusa.Reka turebe muri Conko ejobundi uko bizagenda..bazakomeza kwicana, mu Burundi bicane..Umuyobozi wese ugundira aba ashaka kwicisha abaturage.Niba mbeshya muzanyomoze.

  3. h

    05/12/2017 at 3:42 am

    abayisilamu ntibashira kuko idini rya mbere ku isi mu kwiyongera kw abayoboke ubu ni Isilamu, rikaba irya Kabiri muri Aziya n irya mbere muri Africa mu kugira abayoboke benshi

  4. Toto

    05/12/2017 at 3:44 am

    Mana yanjye izi ni za nyamaswa zirikwica bene wacu b abirabura.yebaba wee nukuri tubasengere dushyizeho umwete kandi rwose ibihugu byacu byihutire kubatabara.Mana yanjye aba si abantu. eeehhh aba si abantu pe,barangiza ngo Allah yewe narumiwe

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017