Rutahizamu w’ikipe y’Igihugu ya Portugal, Cristiano Ronaldo ukinira Manchester United, ntari mu bakinnyi bazajyana n’ikipe ku mukino wa Chelsea mu mpera z’iki Cyumweru.
Ni nyuma yo kutishimira ibyemezo by’umutoza mutoza ERIK Ten Hag, cyo kumwohereza kwishyushya ariko ntamushyiremo.
Cristiano ubwo haburaga iminota icumi ngo umukino ikipe ye yatsinzemo Tottenham urangire, yahise yerekeza mu rwambariro bitewe n’uburakari bwo kudahabwa umwanya wo gukina.
Umutoza mukuru wa Manchester United, yafashe icyemezo cyo kutamushyira mu bakinnyi bazifashishwa ku Cyumweru tariki 23 Ukwakira 2022 mu mukino iyi kipe izasura Chelsea.
Uyu rutahizamu w’imyaka 37, yakomeje kugaragaza ko atishimiye kuba adahabwa umwanya uhagije muri iyi kipe.
UMUSEKE.RW