Umunya-Algérie, Adel Amrouche wigeze gutoza ikipe y’Igihugu y’u Burundi, ashobora kongera kuyihabwa akayibera umutoza mukuru.
Ibinyamakuru byo mu gihugu cy’u Burundi, biratangaza ko uyu mutoza w’imyaka 54 ashobora kongera guhabwa akazi muri iki gihugu.
Ibiganiro byaratangiye hagati y’Ishyirahamwe ry’Umupira w’Amaguru i Burundi na Adel, ndetse amakuru avuga ko biri kugenda neza.
Uyu mutoza yatoje u Burundi kuva mu 2007 kugeza mu 2012.
Uretse gutoza u Burundi, yatoje amakipe y’Igihugu arimo Kenya, Libya, Botswana na Yemen arimo guhera mu ntangiriro z’uyu mwaka. Andi makipe yatoje, arimo USM Alger, MC Alger, DC Motema-Pembe n’izindi.
UMUSEKE.RW