Mu mikino y’umunsi wa mbere muri Volleyball ikinwa n’abafite Ubumuga mu bagabo n’abagore [Sitting Volleyball], zose zari mu rugo, zatangiye neza zitsinda.
Ni shampiyona yatangiye ku wa Gatandatu tariki 26 Ugushyingo 2022 ibera mu Akarere ka Bugesera ariko yari yabanjirijwe n’igikorwa cyo guhugura abatoza 23 batoza uyu mukino.
Mu bagabo, habaye imikino 26 kuko amakipe amwe yakinye imikino itatu, andi akina imikino ibiri. Mu bagore ho habaye imikino 14.
Mu bagore, ikipe yatsindiwe mu rugo ni Rusizi yatsinzwe na Rulindo amaseti 2-0. Mu bagabo iyatsindiwe mu rugo mu mikino 26 yabaye, ni Burera yatsinzwe na Rutsiro amaseti 2-1.
Iyi shampiyona yitabiriwe n’amakipe 17 mu bagabo n’icyenda mu bagore. Na ho umwaka ushize w’imikino ikipe ya Bugesera mu bagore na Gisagara mu bagabo ni zo zegukanye igikombe cya shampiyona.
UMUSEKE.RW