Mbere y’uko hatangizwa umwaka w’imikino 2022/2023 mu mukino wa Volleyball ikinwa n’abafite Ubumuga [Sitting Volleyball], abatoza bagera kuri 23 bahawe amahugurwa ndetse banahabwa Impamyabushobozi [Certificats].
Ni amahugurwa yatanzwe ku wa Gatanu tariki 25 Ugushyingo na Dr Mossad Rashard utoza ikipe y’Igihugu ya Sitting Volleyball mu bagabo no mu bagore.
Abahuguwe ni abatoza 21 b’abagabo na babiri b’abagore barimo na Mukobwankawe Liliane usanzwe ari kapiteni w’ikipe y’Igihugu y’Abagore ya Sitting Volleyball.
Biteganyijwe ko kuri uyu wa Gatandatu ari bwo shampiyona igice cya Mbere itangira kuri uyu wa Gatandatu, ikabera mu Akarere ka Bugesera.
Kuri uyu wa gatanda no kucyumweru mu karere ka Bugesera harakinirwa phase ya mbere ya shampiyona ya Sitting Volleyball 2022-2023.
Uyu mwaka iyi shampiyona izitabirwa n’amakipe y’uturere 9 mu bagore n’amakipe 17 mu bagabo.
Mu bagore hazitabira: Bugesera, Gicumbi, Nyarugenge, Ruhango, Rulindo, Gakenke na Nyanza.
Mu bagabo hazitabira: Gisagara, Musanze, Gasabo, Rusizi, Rubavu, Kicukiro, Karongi, Burera, Ruhango, Ngoma, Nyamasheke, Gatsibo, Nyagatare, Rulindo na Muhanga.
Ikipe ya Gisagara mu bagabo na Bugesera mu bagore ni zo zegukanye igikombe cya shampiyona umwaka ushize w’imikino.
- Advertisement -
UMUSEKE.RW