Ubuyobozi bw’ikipe ya REG Volleyball, bwatangaje ko bwasinyishihe Guebela Boyomo Auguste Marechal ukomoka muri Cameroun.
Ni amasezerano y’umwaka umwe ushobora kongerwa, yashyizweho umukono kuri uyu wa Kabiri.
Ikipe ya REG VC yamukuye muri Port de Douala y’iwabo muri Cameroun.
Guebela Boyomo Auguste Marechal yakiniye amakipe arimo Bafia Evolution Volleyball Club, Cameroun Sport Volleyball Club no mu ikipe y’Igihugu.
Yegukanye ibikombe bya shampiyona bibiri mu 2021 na 2022, yegukana ibindi birimo Zone 4 n’ibindi. Yabaye umukinnyi w’umwaka inshuro ebyiri.
UMUSEKE.RW