Ubuyobozi bw’ikipe ya Gasogi United, bwatangaje ibiciro ku mukino wa shampiyona iyi kipe izakira Rayon Sports.
Ku wa Gatandatu tariki 18 Gashyantare 2023, Gasogi United izakira Rayon Sports mu mukino w’umunsi wa 20 wa shampiyona y’icyiciro cya mbere mu Rwanda.
Uyu mukino uzabera kuri Stade ya Bugesera, abakunzi b’amakipe yombi bamaze kumenya amafaranga bagomba kuzitwaza.
Gasogi United yatangaje ko kwinjira, ari ibihumbi 3 Frw ahasigaye hose, ibihumbi 5 Frw ahatwikiriye na 15 Frw mu myanya y’icyubahiro.
Kakooza Nkuriza Charles [KNC], aherutse gutangaza ko Rayon Sports idafite ubushobozi bwo gutsinda ikipe abereye umuyobozi, cyane ko yanayitsinze mu mukino ubanza.
Izi kipe zombi ziranganya amanota [36], Gasogi United ikaza ku mwanya wa kabiri kubera ibitego izigamye [11], mu gihe Rayon Sports izigamye 11.
UMUSEKE.RW