Umukinnyi wo hagati uri mu bagenderwaho mu ikipe ya APR FC, Ruboneka Bosco ari mu bakinnyi batandatu bujuje amakarita atatu batemerewe gukina imikino y’umunsi wa 20 wa shampiyona uteganyijwe gukinwa mu mpera z’iki Cyumweru.
Imikino y’umunsi wa 20 wa shampiyona, biteganyijwe ko itangira gukinwa uyu munsi tariki 16 Gashyantare 2023 kuri Stade ya Bugesera.
Iyi mikino izashyirwaho akadomo ku Cyumweru tariki 19 Gashyantare 2023, hatangajwe abakinnyi batandatu batemerewe kuyikina kuko bujuje amakarita atatu y’umuhondo.
Uretse aba bakinnyi, Ishyirahamwe Nyarwanda ry’Umupira w’Amaguru, Ferwafa, ryatangaje ko umutoza wungirije muri APR FC, Nefati Djameldine atazaba yemerewe gutoza kuko na we yujuje amakarita atatu y’umuhondo.
Abakinnyi batemerewe gukina ni: Hakizimana Abdoulkarim [Gasogi], Ruboneka Jean Bosco, Nigena Clèment [APR FC], Niyirora Yves [Étincelles FC], Twagirimana Fulgence [Espoir FC], Habamahoro Vincent [Mukura VS]. umutoza utemerewe gutoza ni Nefati Djameldine wungirije muri APR FC.
Gahunda yose y’umunsi wa 20:
Tariki 16 Gashyantare 2023:
AS Kigali vs Sunrise FC
Tariki 17 Gashyantare 2023:
- Advertisement -
Bugesera FC vs Bugesera FC
Tariki 18 Gashyantare 2023:
Gorilla FC vs Espoir FC
Gasogi United vs Rayon Sports
Kiyovu Sports vs Marine FC
Mukura VS vs Rwamagana City
Ku Cyumweru tariki 19 Gashyantare 2023:
Police FC vs Musanze FC
APR FC vs Étincelles FC
UMUSEKE.RW