Ishyirahamwe Nyarwanda ry’Imikino y’Abafite Ubumuga, NPC, rifatanyije n’Urwego rushinzwe Intwari ku rwego rw’Igihugu, CHENO, hateguwe irushanwa rya Volleyball ikinwa n’abafite ubumuga, Sitting Volleyball rizakinirwa i Kigali.
U Rwanda rukomeje kwizihiza Umunsi w’Intwari usanzwe ari ngarukamwaka, uba tariki 1 Gashyantare buri mwaka.
Mu gukomeza kuwizihiza, amashyirahamwe y’imikino atandukanye, akomeje gutegura amarushanwa yo kwizihiza uyu munsi wabaye tariki 1 Gashyantare 2023.
NPC ifatanyije na CHENO, yateguye irushanwa ‘Heroes Sitting Volleyball Tournament’, rizahuza amakipe icumi. Harimo atanu mu bagore n’atanu mu bagabo. Iyi mikino izabera kuri Club Rafiki iherereye mu Akarere ka Nyarugenge.
Amakipe azitabira mu bagabo ni: Rutsiro, Gasabo, Gisagara na Karongi. Mu bagore ni: Musanze, Gicumbi, Nyarugenge na Bugesera.
Biteganyijwe ko iri rushanwa rizakinwa ku wa Gatandatu tariki 4 Gashyantare 2023 guhera Saa tatu za mu gitondo [9h]. amakipe yose azahura muri ½, izizatsinda zizahite zijya ku mukino wa nyuma, izatsinzwe zizahatanire umwanya wa Gatatu.
UMUSEKE.RW