Emmanuel Adebayor wamenyekanye mu makipe y’ibigugu, yatangaje ko yahagaritse gukina umupira w’amaguru.
Iki cyemezo yagifashe ku myaka 39, nyuma yo kwerekeza iwabo muri Togo mu kipe ya Semasi mu 2021.
Adebayor yaciye muri Monaco, Arsenal, Real Madrid, Manchester City, Tottenham Hotspur, Crystal Palace n’ayandi.
Uyu rutahizamu yamenyekaniye cyane muri Arsenal yakiniye kuva 2006-2009, ayikinira imikino 104, atsinda ibitego 46. Mu ikipe y’Igihugu ya Togo yanabereye kapiteni, yayigezemo mu 2000 ayivamo mu 2019 akinnye imikino 85 atsinda ibitego 32.
Yabaye umukinnyi w’Umunya-Afurika w’umwaka mu 2008, BBC imuhemba mu 2007 nk’uwahize abandi mu bakina umupira w’amaguru, mu 2007-2008 aza mu kipe y’umwaka mu bakina shampiyona y’icyiciro cya mbere mu Bwongereza.
UMUSEKE.RW