Mu mpera z’iki Cyumweru hazaba hakinwa imikino ya nyuma y’abafite Ubumuga bwo kutabona, Goalball. Iyi mikino izasorezwa mu Karere ka Bugesera.
Ni imikino izaba ku wa Gatandatu tariki 29 Mata no ku Cyumweru tariki 30 Mata mu Karere ka Bugesera. Amakipe 13 mu bagabo ni yo azaba ahatana, mu gihe mu bagore amakipe umunani ari yo azaba ahatanye.
Urutonde rwa shampiyona, ruragaragaza ko amakipe yo mu Karere ka Rwamagana ari yo ari imbere mu byiciro byombi ku rutonde rw’agateganyo.
Mu mwaka ushize ikipe y’Akarere ka Rwamagana mu bagabo, ni yo yegukanye iki gikombe mu gihe mu bagore UR-Nyagatare ari yo yacyegukanye.
UMUSEKE.RW