Ishyirahamwe Nyarwanda ry’Imikino y’Abakozi, ARPST, ryatangaje ko amakipe 10 ari yo yiyandikishije kuzakina irushanwa ryo Kwibuka ku nshuro ya 29 Jenoside yakorewe Abatutsi muri Mata 1994.
U Rwanda n’Isi muri rusange, ruri mu minsi 100 yo Kwibuka ku nshuro ya 29 Jenoside yakorewe Abatutsi muri Mata 1994. Ni iminsi itangira tariki 7 Mata ikarangira tariki 4 Nyakabanga.
Ababarizwa mu gice cy’imikino, na bo bakomeje kwifatanya n’abandi Banyarwanda muri ibi bihe.
Ni muri urwo rwego ARPST itegura imikino y’abakozi mu Rwanda, yateguye irushanwa ryo Kwibuka ku nshuro ya 29 Jenoside yakorewe Abatutsi mu 1994.
Ni irushanwa rizakinwa n’amakipe atandatu mu mupira w’amaguru harimo imwe izaba iturutse muri Kenya, n’ane azakina muri Basketball.
Irushanwa rizatangira tariki 2 rizasozwe tariki 4 Kamena 2023. Rizakinirwa ku bibuga birimo Mumena, Ruyenzi, IPRC-Kigali na Kigali Pelé Stadium mu mupira w’amaguru. Muri Basketball bazakinira ku bibuga birimo IPRC-Kigali na Club Rafiki.
Mu mupira w’amaguru hazitabira RBC, Rwandair, BK, Ubumwe Grande Hotel, Ikigo cy’Igihugu cy’Ibarurishamibare [NISR] na Eawassca yo muri Kenya. Muri Basketball hazakina abagore bo muri REG, Cok, RSSB na Kaminuza y’u Rwanda [UR].
Uko imikino ibanza izakinwa tariki 2 Kamena 2023:
- RBC FC vs BK FC [15h, Mumena]
- Ubumwe Grande Hotel vs NISR FC [15h, Ruyenzi]
- Rwandair FC vs Eawassca FC [15h, IPRC-Kigali]
Uko imikino ibanza izakinwa tariki 3 Kamena 2023:
- Advertisement -
- RBC FC/BK FC vs Rwandair/Eawassca FC [15h, IPRC-Kigali]
- Ubumwe Grande Hotel/NISR vs Best loser [15h, Mumena]
Tariki 4 Kamena 2023:
- Guhatanira umwanya wa Gatatu: Saa tatu z’amanywa kuri Kigali Pelé Stadium
- Umukino wa nyuma: Saa yine n’igice z’amanywa kuri Kigali Pelé Stadium
Uko imikino izakinwa muri Basketball:
Tariki 2 Kamena:
- REG vs Cok [15h, IPRC-Kigali]
- RSSB vs UR [16h30, IPRC-Kigali]
Tariki 4 Kamena:
Umwanya wa Gatatu uzakinwa Saa tatu z’amanywa, umukino wa nyuma uzakinwa Saa tanu z’amanywa. Imikino yose izabera kuri Club Rafiki.
UMUSEKE.RW