Ubuyobozi bw’ikipe ya Kiyovu Sports bubicishije mu ibaruwa bwandikiye abanyamuryango b’iyi kipe, bwabatumiye mu Nama y’Inteko Rusange izashyiraho Ubuyobozi bushya.
Iyi Nteko Rusange yatumiwe tariki 9 Kamena 2023. Ubuyobozi bw’iyi kipe yo ku Mumena, bwabwiye Abanyamuryango bose ko iteganyijwe tariki 2 Nyakanga 2023 muri Kigali Pelé Stadium Saa tatu z’amanywa.
Ku murongo w’ibyigwa, hariho ingingo eshanu zirimo: Raporo y’umutungo, Raporo ya Telinike, Kongera kunoza ibisabwa ngo umuntu yemererwe kuba umunyamuryango, Amatora ya Komite Nyobozi y’Umuryango n’Utuntu n’Utundi.
Abanyamuryango bamenyeshejwe ko utazaboneka yemerewe guha undi uzamuhagararira uburenganzira bwanditse.
Abifuza kuziyamamaza kandi bujuje ibisabwa ndetse n’abifuza gutanga ibitekerezo cyangwa inyunganizi, babicisha kuri Email ya kiyovu.sports65@gmail.com.
Iyi baruwa yashyizweho umukono na Ndorimana Jean François Regis uzwi nka Général, nk’Umuyobozi w’Umuryango wa Kiyovu Sports.
UMUSEKE.RW