Ishyirahamwe Nyarwanda ry’Umupira w’Amaguru, Ferwafa, ryagaragaje Ingengabihe y’amarushanwa ritegura ya 2023/2024 irimo ko shampiyona y’Icyiciro cya Mbere izatangira muri Kanama.
Nyuma yo gusoza umwaka w’imikino tariki 4 Kamena ubwo hakinwa umukino wa nyuma w’Igikombe cy’Amahoro, Ferwafa yahise igaragaza uko umwaka w’imikino utaha uzakinwa.
Iyi ngengabihe igaragaza ko shampiyona y’Icyiciro cya Mbere izatangira tariki 18 Kanama 2023. Igaragaza kandi ko Igikombe cya Super Coupe kizakinwa tariki 12 Kanama 2023.
Umunsi wa Mbere wa shampiyona ya 2023/2024 uzakinwa guhera tariki 18-20 Kanama, mu gihe uwa Kabiri uzakinwa tariki 23-27 Kanama.
Shampiyona y’Icyiciro cya Kabiri yo, izatangira tariki 11 Kanama.
Umwaka ushize w’imikino, APR FC yegukanye igikombe cya shampiyona mu gihe Rayon Sports yegukanye icy’Amahoro inatsinze ikipe y’Ingabo ku mukino wa nyuma wabereye kuri Stade Mpuzamahanga ya Huye.
UMUSEKE.RW