Ishyirahamwe ry’Umupira w’Amaguru mu Gihugu cy’u Burundi, ryatangaje ko hatangiye amahugurwa yagenewe abarimu b’abasufuzi, ari gutangwa n’abarimu barimo Ntagungira Céléstin uzwi nka Abega na Nkubito Athanase.
Aya mahugurwa yatangiye ku gicamunsi cyo kuri uyu wa Mbere muri Hotel Helena iherereye mu gace ka Gitega.
Nk’uko Ishyirahamwe ry’Umupira w’Amaguru muri iki gihugu, FFB, ryabitangaje, abarimu b’abasifuzi 33 (Instructeurs des arbitres) bari guhugurwa n’abarimu b’abasifuzi muri FIFA, Nkubito Athanase, Ntagungira Céléstin uzwi nka Abega na Maroua Hannachi ukomoka muri Tunisie.
Aya mahugurwa y’iminsi itanu, byitezwe ko azafasha aba barimu kongerera ubumenyi abasifuzi bo mu gihugu cy’u Burundi.
UMUSEKE.RW