Ubuyobozi bw’Ishyirahamwe ry’Imikino y’Abafite Ubumuga mu Rwanda, NPC, bwemeje ko Dr. Mossad Rashad utoza amakipe y’Igihugu ya Volleyball y’Abafite Ubumuga, Sitting Volleyball, yongerewe amasezerano.
Uyu munya-Misiri wageze mu Rwanda mu 2019 agahabwa amasezerano yo gutoza amakipe y’Igihugu ya Sitting Volleyball [Abagabo n’abagore], yabanje kuyasoza muri 2022 ariko aza kongerwa andi.
Nyuma yo gusoza amasezerano ya Kabiri yari yahawe, umutoza Dr. Mossad Rashad yongerewe andi y’imyaka ibiri azarangira mu 2024.
Mu 2019, uyu mutoza yafashije u Rwanda kwegukana igikombe cya Afurika atsinze Misiri. Yafashije Ikipe y’u Rwanda y’Abagore yageze muri ¼ mu mikino ya Shampiyona y’Isi yabereye muri Bosnie-Herzégovine mu 2022.
UMUSEKE.RW