Nyuma yo gutegura irushanwa ryo gufasha amakipe yo mu Ntara y’i Burasirazuba, Ingengabihe y’iri rushanwa ndetse n’ibihembo, byamenyekanye.
Iri rushanwa ryiswe ‘Gisaka Pre-season Tournament’, rizahuza amakipe ane yo mu Ntara y’i Burasizuba arimo Sunrise FC, Étoile de l’Est FC, Muhazi United na Bugesera FC.
Rizatangira ku wa Gatandatu tariki 29 Nyakanga hakinwa imikino ibiri. Kuri Stade ya Nyagatare izwi nka Gologota Stadium izaberaho umukino wa Sunrise FC na Étoile de l’Est FC Saa cyenda z’amanywa, mu gihe kuri Stade ya Bugesera hazabera umukino wa Bugesera FC na Muhazi United Saa cyenda z’amanywa.
Ikipe zizatsinda imikino ya mbere, zizahurira i Ngoma ku Cyumweru tariki 30 Nyakanga 2023 zikina umukino wa nyuma Saa cyenda z’amanywa. Izizaba zatsinzwe, zizahatanira umwanya wa Gatatu Saa tanu z’amanywa kuri iyi Stade y’i Ngoma.
Ikipe izegukana iri rushanwa, izahembwa miliyoni 5 Frw. Umutoza wa Sunrise FC, Muhire Hassan, yavuze ko n’ubwo kwegukana irushanwa byaba byiza kurushaho ariko ikigenderewe ari ukureba urwego abakinnyi bagiye kwinjirana muri shampiyona ya 2023-2024.
UMUSEKE.RW