Mu itangira rya shampiyona y’umupira w’amaguru ikinwa n’Abafite Ubumuga, Amputee Footall, ikipe zihagarariye Akarere ka Nyarugenge n’ihagarariye aka Rubavu, zanyagiye izo bari bahanganye maze zitangira neza umwaka w’imikino.
Ku wa Gatandatu no ku Cyumweru tariki 23-24 Nzeri 2023, mu Karere ka Bugesera haberaga imikino ya Amputee Football, icyiciro cya Mbere. Amakipe umunani y’abagabo n’ane mu bagore, ni yo yakinnye imikino y’icyiciro cya Mbere.
Mu bagabo hitabiriye: Nyarugenge, Rubavu, Musanze, Huye, Gatsibo, Karongi, Bugesera na Muhanga. Mu bagore hitabiriye: Nyanza, Musanze, Nyarugenge na Ngoma.
Imikino yabaye ku wa Gatandatu tariki 23 Nzeri, yasize amakipe arimo Nyarugenge anyagiye imvura y’ibitego ikipe bari bahanganye.
Imikino yabaye ku wa Gatandatu mu bagabo: Huye 6-0 Bugesera, Rubavu 3-0 Gatsibo, Muhanga 0-7 Nyarugenge, Musanze 2-0 Karongi. Imikino yabaye ku Cyumweru mu bagabo: Bugesera 0-8 Nyarugenge, Musanze 1-0 Huye, Rubavu 9-0 Muhanga, Kamonyi 1-0 Gatsibo.
Nyarugenge yinjije ibitego 15 mu mikino ibiri yakinnye, mu gihe Rubavu yo yinjije 12 mu mikino ibiri.
Mu bagore, imikino yabaye ku wa Gatandatu: Nyanza 1-0 Musanze, Nyarugenge 3-0 Ngoma. Iyabaye ku Cyumweru: Nyarugenge 1-0 Musanze, Nyanza 1-0 Ngoma.
Imikino y’umunsi wa Kabiri muri iyi shampiyona ya Amputee Football, izagaruka mu mpera z’iki cyumweru.
- Advertisement -
HABIMANA SADI/UMUSEKE.RW