Ikipe ya Police Volleyball Club ndetse na Rwanda Revenue Authority Women Volleyball Club, zegukanye irushanwa ryaberaga mu Karere ka Kirehe, Kirehe Open Tournament ya 2023.
Ni irushanwa ryatangiye ku wa Gatandatu tariki 23, risozwa kuri iki Cyumweru tariki 24 Nzeri 2023.
Amakipe arimo REG VC na APR VC ntizahiriwe muri iri rushanwa ryarimo amakipe akomeye nka Gisagara VC na Police VC.
Nyuma yo kubanza gukina imikino yo gukuranamo mu bagabo ndetse n’iya 1/4, kuri uyu munsi habaye iya 1/2 n’iya nyuma mu byiciro byombi.
Ikipe ya Police VC yatsindiye APR VC muri 1/2 amaseti 3-0, isanga ku mukino wa nyuma Gisagara VC yari yasezereye Kirehe VC.
Ikipe iterwa inkunga n’Igiposi cy’u Rwanda, yegukanye igikombe itsinze Gisagara VC amaseti 3-1, mu gihe mu bagore RRA yacyegukanye itsinze Police amaseti 3-0.
Ikipe ya Mbere muri buri Cyiciro, yahembwe igikombe cyaherekejwe na sheki ya miliyoni 1 Frw. Iya Kabiri yahembwe ibihumbi 700 Frw, iya Gatatu ihembwa ibihumbi 500 Frw.
Yari inshuro ya Gatatu iri rushanwa ritegurwa n’Akarere ka Kirehe gafatanyije n’Ishyirahamwe Nyarwanda ry’Umukino w’intoki wa Volleyball, FRVB, rikinwa.
HABIMANA SADI/UMUSEKE.RW