Umunsi wa Kabiri wa shampiyona y’Abagore y’Icyiciro cya Kabiri, wasize ikipe ya Forever Women Football Club ikomeje kuyobora itsinda rya Mbere.
Ku wa Gatandatu no ku Cyumweru tariki 21-22 Ukwakira, hakinwe imikino y’umunsi wa Kabiri ya shampiyona y’Abagore y’Icyiciro cya Kabiri.
Amatsinda yose uko ari abiri, yarakinnye. Umukino wari uhanzwe amaso i Kigali, ni uwahuje ikipe ya Youvia WFC na Forever WFC zombi zitoreza ku kibuga kimwe cya Tapis rouge i Nyamirambo.
Izi kipe zombi zagaragaje umukino mwiza ndetse urimo guhangana, ariko nta yabashije kureba mu izamu ry’indi kuko iminota 90 yarangiye ari 0-0 ariko Forever ibyungukiramo.
Uku kunganya, kwatumye iyi kipe ikomeza kuyobora itsinda rya Mbere n’amanota ane n’ibitego 11 izigamye, igakurikirwa na Youvia WFC ifite amanota ane n’ibitego birindwi izigamye.
Indi mikino yabaye muri iri tsinda rya mbere:
AS Kabuye 3-1 UR-CMHS
Imanzi WFC 0-3 Macuba WFC
Imikino yabaye mu itsinda rya Kabiri:
- Advertisement -
Ndabuc WFC 1-1 Tiger WFC
Bridge WFC 0-2 Gatsibo WFC
Kayonza WFC 0-1 Nasho WFC
Itsinda rya Kabiri, riyobowe na Tiger WFC ifite amanota ane, igakurikirwa na Nasho WFC banganya amanota.
HABIMANA SADI/UMUSEKE.RW