Ubuyobozi bw’ikipe ya Kiyovu Sports, bwahaye Abanyamuryango b’iyi kipe ubutumire bubatumira mu nama y’Inteko Rusange Idasanzwe izaba mu minsi itanu iri imbere.
Kuva shampiyona y’uyu mwaka yatangira, muri Kiyovu Sports hakomeje kuvugwamo ibibazo bitandukanye byiganjemo iby’amikoro make byanatumye itandukana na bamwe mu bakinnyi yagenderagaho.
Mu gushaka ibisubizo, ubuyobozi bw’iyi kipe bwatumiye Abanyamuryango ba yo mu nama y’Inteko Rusange Idasanzwe iteganyijwe ku Cyumweru tariki ya 19 Ugushyingo Saa Munani z’amanywa muri Hotel ya Chez Lando.
Iyi kipe yo ku Mumena kandi, yamaze gusezerwaho na Petros Koukouras wari uyibereye umutoza guhera muri Kamena uyu mwaka.
HABIMANA SADI/UMUSEKE.RW