Mu mikino y’umunsi wa Kabiri wa shampiyona ya Basketball y’abakinnyi bafite Ubumuga, Wheelchair Basketball, ikipe ya Eagles yitwaye neza mu byiciro byombi.
Kuri iki Cyumweru tariki ya 12 Ugushyingo 2023, ni bwo shampiyona ya Basketball y’Abafite Ubumuga, Wheelchair Basketball, yakomeje hakinwa imikino y’umunsi wa Kabiri.
Ni imikino yahereye ku bibuga byo mu Karere ka Gasabo biherereye ku Kimironko biherutse gufungurwa ku mugaragaro n’Umukuru w’Igihugu, Paul Kagame.
Mu bagabo, imikino itatu Kicukiro yakinnye, yatsinzemo ibiri, itsindwa umwe. Yatsinze Bugesera 35-12, itsinda Gicumbi 28-14, itsindwa na Eagles 30-19.
Ikipe ya Eagles yatsinze Bugesera 20-08, inatsinda Gicumbi 28-04. Bisobanuye ko ikipe ya Eagles yatsinze imikino ya yo yose itatu mu cyiciro cy’Abagabo.
Indi mikino yabaye mu bagabo, Musanze yatsinze Indangamirwa 19-04, inatsinda Gasabo 20-10. Indangamirwa yatsinze Gasabo 16-12, mu gihe Bugesera yatsinze Gicumbi 17-09.
Mu cyiciro cy’Abagore, Kicukiro yatsinze Gasabo 12-08, inatsinda Move Dream 16-02. Gasabo yo yatsinze Move Dream 18-00.
Imikino y’umunsi wa Gatatu wa Wheelchair Basketball, izakinwa tariki ya 3 Ukuboza 2023.
HABIMANA SADI/UMUSEKE.RW