Nyuma yo kuyikuramo abakinnyi babiri bari ngenderwaho muri AS Kigali Women Football Club, Rayon Sports Women Football Club yongeye kuyisonga iyikuramo Nibagwire Libellée wari kapiteni wa yo.
Ikipe ya Rayon Sports WFC kuva yazamuka mu Cyiciro cya Mbere cya shampiyona y’Abagore, ikomeje kugaragaza inyota yo kwegukana ibikombe bitandukanye.
Iyi kipe yo mu Nzove, yaje igaragaza imbaraga nyinshi ndetse ikomeje guhangana na AS Kigali WFC ibitse ibikombe byinshi bya shampiyona y’Abagore.
Mu gukomeza kugaragaza inyota yo guhangana na AS Kigali WFC, Rayon Sports WFC yayikuyemo Nibagwire Libellée wari kapiteni wa yo.
Uretse uyu mukinnyi kandi, iyi kipe yo mu Nzove yanaguze Niyomwungere Olga wari uherutse gusinyira iyi kipe iterwa inkunga n’Umujyi wa Kigali.
Niyomwungere ukina hagati mu kibuga, akina hagati mu kibuga.
Aba bakinnyi bose, baraza biyongera kuri Kayitesi Alodie na Uwimbabazi Immaculée, bari baherutse gutera umugongo AS Kigali bagahitamo kwerekeza mu Nzove.
HABIMANA SADI/UMUSEKE.RW