Komite y’Igihugu y’Imikino y’Abafite Ubumuga mu Rwanda, NPC, yatangaje ko mu mpera z’iki Cyumweru hazakomeza imikino ya shampiyona ya Volleyball ikinwa n’Abafite Ubumuga, Sitting Volleyball.
Ni imikino izakinwa ku wa Gatandatu tariki ya 13 Mutarama 2024. Izabera kuri Stade y’Akarere ka Bugesera.
Iyi shampiyona ya Sitting Volleyball izaba igeze mu gace ka Gatatu (Phase ya Gatatu). Ibyiciro byombi (abagabo n’abagore) bizakina.
Nyuma y’aka gace ka Gatatu, hazamenyekana amakipe azaba yageze ku mikino ya nyuma izakinwa mu kwezi kwa Werurwe 2024.
Ikipe y’Akarere ka Bugesera mu bagore n’iya Gasabo mu bagabo, ni zo zegukanye igikombe cya shampiyona y’umwaka ushize.
HABIMANA SADI/UMUSEKE.RW