Ikipe ya Basketball ya Sosiyete Ishinzwe Ingufu n’Amashanyarazi, REG BBC na APR Basketball Club, zatangiranye intsinzi muri shampiyona ya Basketball y’Icyiciro cya mbere mu bagabo.
Ku wa Gatatu tariki ya 9 Gashyantare 2024, ni bwo hatangiye shampiyona y’Icyiciro cya mbere mu mukino w’intoki wa Basketball mu bagabo n’abagore.
Imikino yabimburiye indi, ni iyo mu bagabo ibiri. REG BBC yatsinze Inspired Generation BBC amanota 92-43, mu gihe APR BBC yatsinze Kepler BBC amanota 98-67.
Ku wa Gatandatu tariki ya 10 Gashyantare 2024, habaye umukino umwe. Espoir BBC yatsinzwe na UGB BBC amanota 65-59.
Ku Cyumweru tariki ya 11 Gashyantare 2024, Patriots BBC yatsinze Tigers BBC amanota 84-67.
Imikino yo mu Bagore, yabaye guhera ku wa Gatandatu tariki ya 10 Gashyantare. REG WBBC yatsinze East African University Rwanda (EAUR) WBBC amanota 85-39.
Ikipe ya APR WBBC yatsinze Kepler WBBC amanota 61-53, mu gihe The Hoops WBBC yatsinze UR-Kigali amanota 91-27.
Ku Cyumweru tariki ya 11 Gashyantare, habaye imikino ibiri mu cyiciro cy’Abagore. IPRC-Huye WBBC yatsinze UR-Huye amanota 123-17, mu gihe GS Marie Reine yatsinze GS Gahini amanota 80-59.
Imikino ya shampiyona mu byiciro byombi, izagaruka mu mpera z’iki Cyumweru, tariki ya 16,17,18 Gashyantare 2024.
- Advertisement -
HABIMANA SADI/UMUSEKE.RW