Umuyobozi w’Impuzamashyirahamwe y’Umukino wa Tennis ku Mugabane wa Afurika, Jean Claude Talon ategerejwe i Kigali mu irushanwa Mpuzamahanga rya ‘ATP Rwanda Challenger.’
Mu gihe habura iminsi ibiri gusa ngo iri rushanwa ribere mu Rwanda, hakomeje kumenyekana abashyitsi bazaturuka hanze y’u Rwanda, bazaza kurikurikirana.
Undi wamenyekanye, ni Umuyobozi w’Impuzamashyirahamwe y’Umukino wa Tennis muri Afurika, Jean Claude Talon ukomoka muri Bénin, utegerejwe muri ATP Rwanda Challenger izabera i Kigali tariki ya 26 Gashyantare kugeza tariki ya 10 Werurwe 2024.
Uyu araza yiyongera ku bandi barimo umuhanzi w’icyamamare, Yannick Noah n’abandi bakinnyi banditse izina mu mukino wa Tennis ku Isi.
Iri rushanwa rizabera ku bibuga byo muri IPRC-Kigali biherereye mu Karere ka Kicukiro.
HABIMANA SADI/UMUSEKE.RW