Ikipe APR Handball Club na na Police Handball Club, zatangiye neza Shampiyona ya Handball ya 2024 mu bagabo, zitsinda imikino ya zo yose zakinnye mu mpera z’icyumweru gishize.
Ku wa Gatandatu tariki ya 23 Werurwe 2024 ni bwo imikino y’umunsi wa mbere muri shampiyona ya Handball yakinwaga, ku bibuga bitandukanye.
Mu mikino yabaye ku wa Gatandatu, UR-Huye yatsinze Adegi ibitego 35-30, APR itsinda UR-Huye ibitego 45-23, APR yongera gutsinda na Adegi ibitego 26-09, mu mikino yose yabereye i Gatsibo ku kibuga cya Adegi Gituza.
Mu mikino yabereye Kigoma, ES Kigoma yatsinze UR-Rukara ibitego 31-24, Police HC itsinda UR Rukara ibitego 49-13, Police yongera gutsinda na ES Kigoma ibitego 33-13.
Nyakabanda yatsinze Gorillas HBC ibitego 27-25, mu mukino wabereye Kimisagara.
Bukeye bwa ho ku Cyumweru, bongeye gukina, bakina imikino y’umunsi wa kabiri.
Mu mikino yabereye Kimisagara, Gorillas HBC yatsinze UR-Rukara ibitego 38-22, APR HC itsinda UR Rukara ibitego 33-14, APR itsinda na Gorillas ibitego 42-20.
Kigoma na ho barakinnye, maze ES Kigoma itsinda UR-Huye ibitego 27-21, UR Huye itsinda Nyakabanda ibitego 37-31, Nyakabanda yongera gutsindwa na ES Kigoma ibitego 34-28.
Police HC yatsinze Adegi ibitego 46-21, mu mukino wabereye i Gatsibo muri Adegi Gituza.
- Advertisement -
Ikipe ya Gicumbi HC ibitse Igikombe cya Shampiyona ya Handball y’umwaka ushize, ntiyakinnye iyi mikino y’iminsi ibiri ibanza, kuko yasabye ko yazakina ku munsi wa gatatu ariko ahanini bitewe n’ikibazo cy’amikoro yagize uyu mwaka.
Mu mikino yabaye mu bagore, ISF Nyamasheke yatsinze UR-Huye ibitego 34-15, ESC Nyamagabe itsinda UR-Huye ibitego 33-10, ESC Nyamagabe yongera gutsinda ISF Nyamasheke ibitego 27-17.
ISHIMWE YARAKOZE SETH KEFA/UMUSEKE.RW